Soŋǧy uaqytta otandyq telekörermenderdıŋ talǧamy özgerıp, tanymdyq maŋyzy bar saraptamalyq jobalarǧa degen sūranysy artty. Elımızdegı saiasi jäne qoǧamdyq özgerıster tūsynda «Qazaqstan» ūlttyq telearnasynyŋ bırqatar baǧdarlamasy auditoriia jinau jaǧynan joǧary körsetkışterge qol jetkızdı.
Äsırese, körermennıŋ yqylasyna bölenıp, ösım körsetken üş negızgı jobany böle-jara aituǧa bolady:
«Älem jäne bız» – älemdık saiasattyŋ Qazaqstanǧa äserın taldaityn joba. Säuırdıŋ ortasynan berı auditoriiasy 1,5 ese östı.
Halyqaralyq jaǧdaidyŋ uşyǧuy, sonyŋ ışınde AQŞ pen İran arasyndaǧy teketıres, Ormuz būǧazyndaǧy ahual, mūnai baǧasy men osyndai şyrǧalaŋ zamandaǧy diplomatiialyq saiasat efirde egjei-tegjeilı taldanady.
«Izgılık formulasy» azamattyq jauapkerşılık pen igı ısterdı nasihattaidy. Jaqsylyq jasau degen tek bıreuge üi salyp beru nemese qarjylai kömektesumen şektelmeidı. Izgılıktıŋ formulasy öte köp.
Baǧdarlama qoǧamǧa paidasyn tigızıp jürgen qarapaiym azamattardy ülgı etedı ärı Prezident ūsynǧan «Adal azamat» jäne «Taza Qazaqstan» qaǧidattarymen ündesedı. Mausymnyŋ soŋynan berı auditoriiasy ekı eseden astam artty. 
«Qazaq Creative» – kreativtı industriia men ūlttyq äleuettı tanytatyn joba. Mamyr soŋynda efirge şyqqan baǧdarlamanyŋ auditoriiasy şıldeden berı 2,5 eseden astam östı.
Mädeni käsıpkerlık pen otandyq önerdıŋ ekonomikalyq äleuetın aşyp körsetetın habar körermennıŋ, äsırese jastardyŋ ülken qyzyǧuşylyǧyn tudyrdy.
Telearna jobalarynyŋ auditoriialyq ösımı elımızdegı auqymdy saiasi jäne qoǧamdyq özgerıster kezeŋınde oryn aldy. Būl halyqtyŋ tek kündelıktı jaŋalyqtardy tamaşalap qana qoimai, eldıŋ bolaşaǧy men damuyn, azamattyq jauapkerşılık pen ūlttyq qūndylyqtardy körsetetın tereŋ mazmūndy baǧdarlamalarǧa basymdyq bere bastaǧanyn aiqyn däleldeidı.
