Zoom qosymşasy – onlain jiyndarǧa, konferensiialarǧa, sabaq ötuge arnalǧan tiımdı servistıŋ bır türı. Kez kelgen ıs-şarany ötkızu üşın arnaiy oryn daiyndap, äure-sarsaŋǧa salynbai-aq, bır ǧana tetık arqyly jüzdegen adammen söilesıp, jüzdesuge taptyrmas mümkındık beredı. Sonymen qatar, atalǧan şaraǧa baru üşın keşıguım mümkın degen sekıldı kedergıler de aldyŋyzdan şyqpaidy. Ärine, damyǧan tehnologiianyŋ arqasynda mūndai tiımdı qosymşany paidalanu kerek. Alaida, är nırsenıŋ paidasymen qatar, ziiany qatar jüretını taǧy bar. Al Zoom qosymşasynyŋ ziiany qandai?
Qazaqstan memleketınde qazırgı taŋda onlain kezdesuler ötkızu üşın qoldanylatyn atalǧan servis türı keŋınen taralǧan. Tıptı är adamnyŋ qalta telefonynda bar desek, qatelespeitınımız anyq. Alaida älem jaŋalyqtaryna nazar audarar bolsaq, būl servis türın qara tızımge engızgender de bar eken. Mäselen, Google men AQŞ senaty Zoom qosymşasyn qara tızımge engızgen. Qyzmetkerlerınıŋ qauıpsızdıgın oilaǧan AQŞ senaty Zoom-men videokonferensiia ötkızuge tyiym salǧan. Google korporasiiasy da öz kompiuterlerınde Zoom baǧdarlamasyn būǧattap qoiǧan. Būl şeşımnıŋ sebebı – qosymşanyŋ
qauıpsızdık saqtaudaǧy osaldyǧy.
«Bız ūzaq uaqyt boiy korporativtık jelıden tys qyzmetkerlerge bekıtılmegen qosymşalarmen jūmys ısteuge tyiym salatyn saiasatty ūstanyp kelemız», – dep mälımdeme jasaǧan Google ökılı Hose Kastaneda.
Būdan özge de bırqatar alyp korporasiialar būl qosymşany paidalanudan bas tartqan. Qyzmetkerlerıne qosymşany paidalanuǧa tyiym salǧan alǧaşqy kompaniialardyŋ bırı – SpaceX. Olar bailanys üşın qosymşa retınde elektrondyq poşta men smartfondaǧy beineqoŋyraulardy qoldanady. SpaceX ǧaryş kompaniiasynan keiın ZOOM qosymşasyn paidalanuǧa NASA da tyiym salǧan. Al kompaniia basşysy Erik Iýan negızgı resurstardy tūraqty jūmys üşın jūmsaǧanymen, Zoom qauıpsızdıktıŋ tiıstı deŋgeiın qamtamasyz ete almaǧanyn tüsındırdı.
Qorytyndylai kele, qazırgı taŋda ärine, Zoom – bailanys üşın taptyrmas qosymşa. Alaida, adam ömırınıŋ bärınen maŋyzdy ekendıgın ūmytpaǧanymyz jön. Sonymen qatar taŋna keşke deiın sabaq, jūmys, t.b qajettılıkterge bailanysty qoldanatyn otandyq baǧdarlama öz elımızde şyqsa nūr üstıne nūr bolary sözsız.
Ūqsas jaŋalyqtar
Jansaia Sman,
«Adyrna» ūlttyq portaly
