«ادىلەت» پارتياسى وكىلدەرىنىڭ قاراعاندى وبلىسىنداعى ساپارى كوستەنكو اتىنداعى شاحتادا جالعاستى. پارتيا توراعاسى ايبەك دادەباي قۇرىلتاي دەپۋتاتتىعىنا كانديداتتارمەن بىرگە قازاقستانداعى كومىر ءوندىرىسىنىڭ بۇگىنگى جاي-كۇيىن ءوز كوزدەرىمەن كورۋ ءۇشىن 700 مەتر تەرەڭدىكتەگى شاحتاعا ءتۇستى.
شاحتەرلەر ەڭبەك قاۋىپسىزدىگى، كاسىپورىنداردى تسيفرلىق مودەرنيزاتسيالاۋ، ينجەنەرلىك كادرلاردى دايارلاۋ، الەۋمەتتىك كەپىلدىكتەر مەن وتاندىق ونەركاسىپتى دامىتۋ كەلەشەگى توڭىرەگىندە كوكەيكەستى سۇراقتارىن تىكەلەي قويدى.
سايلاۋالدى شتاب وكىلدەرىنىڭ ايتۋىنشا، بۇل ساپاردىڭ باستى ماقساتى – سايلاۋالدى باعدارلامانى تانىستىرۋ عانا ەمەس، كەنشىلەردىڭ كۇندەلىكتى اۋىر ەڭبەك جاعدايىن ءوز كوزدەرىمەن كورىپ، ولاردىڭ ۇسىنىستارىنا قۇلاق ءتۇرۋ جانە تىكەلەي تىلدەسۋ بولدى.
«بۇل جۇمىستىڭ قانشالىقتى اۋىر ەكەنىن كوپ ەستىدىك. دەگەنمەن، ءبارىن ءوز كوزىمىزبەن كورىپ، جۇمىسشىلارمەن جۇزدەسىپ، سۇراقتارى مەن ۇسىنىستارىن تىڭداۋدى ءجون كوردىك»، – دەپ اتاپ ءوتتى «ادىلەت» پارتياسىنىڭ وكىلدەرى.
Qarmet كومىر دەپارتامەنتىنىڭ ديرەكتورى جاقان مۇحامەدجانوۆ پارتيا وكىلدەرىنە ساپارلارى ءۇشىن العىس ءبىلدىرىپ، ساياساتكەرلەردىڭ وندىرىسكە ارنايى كەلىپ، شاحتادا كۇندەلىكتى ەڭبەك ەتىپ جۇرگەن جۇمىسشىلارمەن بەتپە-بەت تىلدەسكەنى وتە ماڭىزدى ەكەنىن اتاپ ءوتتى.
«اسا تىعىز كەستەلەرىڭىزگە قاراماستان، ۋاقىت تاۋىپ كەلگەندەرىڭىزگە راقمەت. كەز كەلگەن جاعدايدا ماسەلەنى ءبىرىنشى دەرەككوزدەن تىڭداعان ماڭىزدى»، – دەدى جاقان مۇحامەدجانوۆ.
«قورعاۋ» كومىرشىلەر كاسىپوداعىنىڭ توراعاسى ەۆگەني بۋسلاەۆ تا كەنشىلەردىڭ بۇل ءسوزىن قۇپتاپ، ءوز پىكىرىن ايتتى.
«ادىلەت» پارتياسى باسشىلارىنىڭ شاحتاعا ارنايى ءتۇسىپ، ەڭبەك جاعدايىن ءوز كوزدەرىمەن كورىپ، جۇمىسشىلارمەن اشىق سۇحباتتاسقانى ءبىز ءۇشىن وتە ماڭىزدى. ەڭبەك ادامى مەملەكەتتىك ساياساتتىڭ باسىم باعىتى بولۋى ءتيىس جانە بۇل قاعيدا پارتيانىڭ سايلاۋالدى باعدارلاماسىندا كورىنىس تاپقانىن كورىپ وتىرمىز»، – دەدى ول.
شاحتەرلەردىڭ سۇراقتارىنا جاۋاپ بەرە وتىرىپ، سايلاۋالدى شتاب وكىلدەرى «ادىلەتتى بولاشاق ءۇشىن» باعدارلاماسى ۇزاق ۋاقىت بويى ساراپشىلارمەن جانە ءتۇرلى سالا وكىلدەرىمەن بىرلەسە ازىرلەنگەنىن ايتتى. باعدارلامانى دايىنداماس بۇرىن «ادىلەت» پارتياسى وندىرىسشىلەرمەن، ينجەنەرلەرمەن، دارىگەرلەرمەن، مۇعالىمدەرمەن، كاسىپكەرلەرمەن جانە ءوڭىر تۇرعىندارىمەن ونداعان كەزدەسۋ وتكىزگەن.
«Qarmet» كومپانياسىنىڭ باس ديرەكتورى ۆاديم باسين دە ادىلەتتى بولاشاق ءۇشىن» سايلاۋالدى باعدارلاماسىن جازۋعا ونەركاسىپ وكىلدەرى قاتىسقانىن راستادى. ونىڭ ايتۋىنشا، وندىرىسشىلەر، شاحتەرلەر مەن ينجەنەرلەر باعدارلامانى ازىرلەۋگە تىكەلەي اتسالىسقان. وسىلايشا، ءىرى ونەركاسىپ وكىلدەرى سايلاۋ ناۋقانى باستالماي تۇرىپ-اق ساياسي پارتيامەن سالانى دامىتۋ جوسپارلارىن، كاسىپورىن ماسەلەلەرىن اشىق تالقىلاۋعا مۇمكىندىك الدى. كوپ ۇسىنىس كەيىننەن باعدارلاماعا ەنگەن.
«بۇل وتە سالماقتى دا ماڭىزدى اڭگىمە بولدى. كاسىپورىندار كوتەرگەن كەيبىر تۇيتكىلدى ماسەلەلەر باعدارلامادا مەملەكەتتىك قولداۋ مەن ناقتى شەشىمدەر تۇرعىسىنان ءوز شەشىمىن تاپتى. ءبىز ءۇشىن مەتاللۋرگيا ونەركاسىبىنىڭ قالاي داميتىنىن جانە وتاندىق كاسىپورىندارعا قاتىستى مەملەكەتتىك ساياساتتىڭ قانداي بولاتىنىن ءتۇسىنۋ وتە ماڭىزدى»، – دەدى ۆاديم باسين.
ايتا كەتەيىك، بۇعان دەيىن بىرقاتار ساياساتتانۋشى «ادىلەت» پارتياسىنىڭ باعدارلاماسىن سايلاۋداعى ەڭ جۇيەلى ءارى قۇرىلىمى ايقىن باعدارلامالاردىڭ ءبىرى دەپ باعالاعان بولاتىن.
ماسەلەن، يسلام قۇراەۆ پەن قازبەك مايگەلدينوۆ باعدارلامانىڭ باستى ەرەكشەلىگى –ينستيتۋتسيونالدىق وزگەرىستەرگە، تيىمدىلىكتىڭ ناقتى كورسەتكىشتەرىنە جانە ساياسي جاۋاپكەرشىلىككە باسىمدىق بەرىلۋى ەكەنىن اتاپ ءوتتى.
ساياساتتانۋشى يسلام قۇراەۆتىڭ پىكىرىنشە، پارتيا بۇل سايلاۋ كەزەڭىن تەك ساياسي ناۋقان دەپ ەمەس، ازاماتتارمەن جاڭا قوعامدىق-ساياسي كەلىسىمنىڭ باستاۋى رەتىندە قاراستىرادى.
«باستى يدەيا – ءتيىمدى جۇمىس ىستەيتىن ينستيتۋت، زاڭ ۇستەمدىگى، باسەكەلەستىكتىڭ تەڭ ەرەجەلەرى جانە مەملەكەتتىڭ ازاماتتار الدىنداعى جاۋاپكەرشىلىگى ارقىلى ادىلدىكتى قامتاماسىز ەتۋ»، – دەگەن ەدى ساراپشىلار.
دايىنداعان:
«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
