فوتو: DW
كيەۆتە ۋكراينا قورعانىس ءمينيسترى قىزمەتىنە قايتارۋدى تالاپ ەتكەن كەزەكتى نارازىلىق اكتسياسى ءوتتى، دەپ حابارلايدى “ادىرنا”.
نارازىلىققا شىققانداردىڭ نەگىزگى ەكى تالابى بولدى. ءبىرى — فەدوروۆتى قورعانىس مينيسترلىگىنە قايتا تاعايىنداۋ جانە ارداگەرلەر ىستەرى ءمينيسترى قىزمەتىنە جاۋىنگەرلىك تاجىريبەسى بار ازاماتتى قويۋ. اكتسيانى ۇيىمداستىرۋشىلار بيلىك تالاپتارى ورىندالعانعا دەيىن نارازىلىقتى مەرزىمسىز جالعاستىراتىنىن ايتتى.
اكتسيانى رەسەيلىك-ۋكراينالىق سوعىس ارداگەرى دميتري كوزياتينسكي ۇيىمداستىرعان.
العاشقى ميتينگىلەرمەن سالىستىرعاندا بۇل جولى ۇراندار از ايتىلىپ، ولاردىڭ ورنىنا ۋكراين اندەرى شىرقالىپ، قاتىسۋشىلارعا اشىق ميكروفون ارقىلى ءوز پىكىرلەرىن ايتۋ مۇمكىندىگى بەرىلدى.
نارازىلىق اكتسياسى پاتريوتتىق سيپاتتا ءوتتى. قاتىسۋشىلار ۋكراينا ءانۇرانىن ورىنداپ، ۋكراينا، ەۋرووداق جانە ۋپا جالاۋلارىن كوتەردى.. ۇيىمداستىرۋشىلار ءوز تالاپتارى ورىندالمايىنشا كۇن سايىن الاڭعا شىعۋعا دايىن ەكەندەرىن ايتتى.
