مو يان اقام قاداپتى عوي ءبارىڭىزدى...
“الايدا نوبەل سىيلىعى ءبىر عانا شىعارمانى ەمەس، جازۋشىنىڭ جالپى شىعارماشىلىق جەتىستىگىن باعالايدى. ارينە، كەيبىر شىعارمالار قازىلار القاسىنىڭ ەرەكشە نازارىن اۋدارۋى مۇمكىن، الايدا ءبىر عانا پوۆەست ارقىلى سىيلىق العان مىسالدار ءىس جۇزىندە جوق دەۋگە بولادى. نوبەل كوميتەتىنىڭ مۇشەلەرىنىڭ باسىم كوپشىلىگى شىعىس تىلدەرىندەگى شىعارمالاردى تۇپنۇسقادان وقي المايدى. سوندىقتان جازۋشىنىڭ نەگىزگى شىعارمالارى الدىمەن باتىس تىلدەرىنە اۋدارىلىپ، سودان كەيىن عانا ونىڭ ەڭبەكتەرى نوبەل كوميتەتىنىڭ نازارىنا ىلىگۋى مۇمكىن. بۇل ۇدەرىس ءبىرشاما ۇزاق ۋاقىتتى تالاپ ەتەدى. سوڭعى جىلدارى مەن نەگىزىنەن قىتاي جازۋشىلارىن حالىقارالىق دەڭگەيدە ناسيحاتتاۋمەن اينالىسىپ كەلەمىن. سوندىقتان ازىرگە تولەن ابدىك مىرزانىڭ كانديداتۋراسىن ۇسىنا المايمىن. ۋاقىتى كەلگەندە بۇل ماسەلەنى قايتا تالقىلاي الامىز. ماعان كورسەتكەن قوناقجايلىعىڭىز ءۇشىن راقمەت. سىزگە بار جاقسىلىقتى تىلەيمىن!” دەپتى ءبىزدىڭ جازۋشىلار وداعىنىڭ “تولەن ابدىك جازۋشىمىزدى نوبەلگە ۇسىنىپ كورىڭىز” دەگەن قولقاسىنا.
تابالاعانىم ەمەس، بىراق وزدەرىڭىزگە دە سول كەرەك. نوبەل، نوبەل دەپ ەلىرىپ، تىراشتانىپ كەتكەندەرىڭىزگە كۇلكىم كەلىپ جۇرگەن. حالىقارالىق كونكۋرستار مىنا ءبىزدىڭ ەلدەگىدەي بىرەۋدىڭ ايتقانى بويىنشا بەرىلىپ، “مىناۋ دارىن ەدى” دەگەن ءبىر اۋىز ءسوز ءۇشىن وڭدى-سولدى ۇلەستىرىلمەيدى. قويساڭىزدارشى ەندى ۇياتقا قالماي...
تولەن ابدىك - كەرەمەت جازۋشى، تەرەڭ، ونىڭ ويلارى كەيىنگى ۇرپاق ءۇشىن تاعىلىما مول دەپ قىلعىنىپ قويماپسىزدار، ارينە، تەك ءبىز ءۇشىن، ءوزىمىز ءۇشىن، قازاق قوعامى ءۇشىن عانا.
نوبەلگە ۇسىنامىز، بۋكەرگە ۇسىنامىز، تاعى دا مىقتى جازۋشىلار شىعارامىز، كونكۋرستار جاريالايمىز دەپ مەملەكەت اقشاسىن شاشۋدى دا قويىڭىزدار سوسىن.
سىزدەردىڭ مىنا جاساپ وتىرعاندارىڭىز ازىرگە الەمدىك دەڭگەيگە شىعۋعا جەمىسىن بەرمەيدى.
قازىر اعىلشىن ءتىلدى ەلدەردە ساتىلىپ جاتقان “To hell with poets” كىتابىنىڭ اۆتورى جانە Booker Prize 2024 سىيلىعىنا “Tilted Axis Press” بريتاندىق باسپاسى ۇسىنعان اۆتور رەتىندە ايتايىن، ءدال وسى جولعا دەيىن ەشقانداي مەملەكەتتىك باعدارلاما دا كومەكتەسپەيدى.
ءجاي عانا جاقسى جازا الىڭىزدار، قىزىقتىرا الىڭىزدار، كەرەمەت اۋدارماشى كەزدەسسىن باقتارىڭىزعا! بولدى.
