تاجىكستان بيلىگى حيدجاب، ۇزىن ساقال جانە اراب ۇلگىسىندەگى كيىمدەردى كيۋگە زاڭنامالىق دەڭگەيدە تىيىم سالدى، دەپ حابارلايدى "ادىرنا" ۇلتتىق پورتالى.
بۇل تۋرالى جەرگىلىكتى باق اقپارات تاراتتى. بيلىك وكىلدەرىنىڭ مالىمەتىنشە، جاڭا شەكتەۋلەر ءدىني راديكاليزم مەن ەكسترەميزمنىڭ الدىن الۋعا باعىتتالعان. وسىعان بايلانىستى قۇقىق قورعاۋ ورگاندارى زاڭ تالاپتارىنىڭ ساقتالۋىن كۇشەيتىپ، تۇرعىندار اراسىندا ءتۇسىندىرۋ جۇمىستارىن جۇرگىزىپ جاتىر.
تاجىكستان بيلىگى قابىلدانعان شەشىم ۇلتتىق ءداستۇر مەن مادەني ەرەكشەلىكتى ساقتاۋعا باعىتتالعانىن اتاپ ءوتتى. سونداي-اق تاجىك مادەنيەتىنە جات دەپ تانىلعان كيىم تۇرلەرىن ەلگە اكەلۋگە جانە كيۋگە دە شەكتەۋ قويىلعان. جەرگىلىكتى بيلىك ايەلدەردى ۇلتتىق تاجىك كيىمىن تاڭداۋعا شاقىرسا، ۇزىن ساقال قويعان ەر ازاماتتارعا ونى قىسقارتۋ نەمەسە قىرۋ ۇسىنىلعان.
ايتا كەتەيىك، بۇعان دەيىن تاجىكستاندا قوعامدىق ورىنداردا ءدىني اتريبۋتتاردى شەكتەۋ ماسەلەسى بىرنەشە رەت كوتەرىلگەن. جاڭا زاڭ وسى باعىتتاعى ەڭ قاتاڭ شارالاردىڭ ءبىرى سانالادى.
