وتاندىق مۋزىكا سالاسىنا ەلەۋلى ۇلەس قوسقان سازگەر، كوپتەگەن تانىمال اندەردىڭ اۆتورى سەرجان باقىتجانۇلى ومىردەن ءوتتى، دەپ حابارلايدى "ادىرنا" ءتىلشىسى.
قايعىلى حاباردى ونىڭ جاقىندارى مەن ارىپتەستەرى راستادى.
سەرجان باقىتجانۇلى Orda جانە Ninety One توبىنىڭ، ءانشى قايرات نۇرتاستىڭ رەپەرتۋارىنداعى بىرقاتار تانىمال شىعارمالاردىڭ اۆتورى رەتىندە بەلگىلى.
كومپوزيتوردىڭ قالامىنان Orda توبىنىڭ «قيىن زامان»، «عاشىقسىڭ با؟»، «جاۋاپ بەر»، «تاعدىر» اندەرى، Ninety One توبىنىڭ بىرنەشە تۋىندىسى جانە قايرات نۇرتاستىڭ ورىنداۋىنداعى «كوك اسپان» ءانى دۇنيەگە كەلگەن.
ءانشى قايرات نۇرتاس مارقۇممەن قوشتاسىپ، الەۋمەتتىك جەلىدەگى پاراقشاسىندا كوڭىل ايتۋ جازباسىن جاريالادى. ول سەرجان باقىتجانۇلىن جاقىن دوسى، ارىپتەسى ءارى سىرلاسى دەپ اتاپ، كومپوزيتوردىڭ شىعارمالارى حالىق جادىندا ساقتالاتىنىن جەتكىزدى.
«سەنىڭ اندەرىڭ حالىقتىڭ جۇرەگىندە ماڭگى قالادى» دەگەن قايرات نۇرتاس مارقۇمنىڭ وتباسى مەن جاقىندارىنا كوڭىل ايتتى.
