بۇگىن «قازاق ءۆالسىنىڭ كورولى» اتانعان، ۇلتىنىڭ ۇلى تۇلعالارىنىڭ ءبىرى ءشامشى قالداياقوۆتىڭ تۋعانىنا 95 جىل تولدى، دەپ حابارلايدى “ادىرنا”.
اسا دارىندى سازگەر ءشامشى قالداياقوۆ 1930 جىلى 15 تامىزدا وڭتۇستىك قازاقستان وبلىسى، وتىرار اۋدانىندا دۇنيەگە كەلگەن.
ونىڭ اندەرى رەسپۋبليكامىزدىڭ قاي ءوڭىرى بولماسىن ءجيى ايتىلىپ، انسۇيەر قاۋىم اراسىندا كەڭ تاراعان. حالىق اراسىندا اسىرەسە، «مەنىڭ قازاقستانىم» تۋىندىسى ايرىقشا تانىمال.
2005 جىلى ونىڭ «مەنىڭ قازاقستانىم» ءانى قازاقستان رەسپۋبليكاسىنىڭ مەملەكەتتىك ءانۇرانى بولىپ بەكىتىلدى.
كومپوزيتوردىڭ «تەڭىزدە - تولقىندا»،«باقىت قۇشاعىندا»،«بارىنەن دە سەن سۇلۋ»، «اقماڭدايلىم»،«اقسۇڭقارىم»،«قايداسىڭ»، «انا تۋرالى جىر»، «قۋانىش ءۆالسى»، «اق ەركە - اق جايىق»، «ارىس جاعاسىندا» جانە ت.ب بىرقاتار اندەرى قازاق ساحناسىندا ءالى كۇنگە دەيىن شىرقالىپ كەلەدى.
سازگەر 40 جىلدان استام شىعارماشىلىق قىزمەتىندە 300-گە جۋىق مۋزىكالىق تۋىندى جازعان.
1992 جىلدان باستاپ ەلىمىزدە ءداستۇرلى تۇردە ش.قالداياقوۆ اتىنداعى حالىقارالىق بايقاۋ-فەستيۆال وتكىزىلىپ تۇرادى. شىمكەنت قالاسىنداعى وبلىستىق فيلارمونيا، ءبىر كوشە، الماتى قالاسىندا ءبىر كوشە، كومپوزيتور تۋعان ولكە - ءشاۋىلدىر اۋىلىنداعى مۋزىكا مەكتەبى ش.قالداياقوۆ ەسىمىمەن اتالادى.
1991 جىلى كومپوزيتور تۋرالى عۇمىرنامالىق «جىلدارىم مەنىڭ، جىرلارىم مەنىڭ» اتتى دەرەكتى فيلم ءتۇسىرىلدى. 2002 جىلى ء«شامشى-عۇمىر» ەستەلىكتەر مەن ماقالالار جيناعى جارىق كورگەن.
