ارمان يساعاليەۆ سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى. بۇل تۋرالى بۇگىن، 29 شىلدەدە اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ وكىمىمەن ارمان قايراتۇلى يساعاليەۆ قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى»،– دەلىنگەن حابارلامادا.
ول 1972 جىلى الماتى قالاسىندا دۇنيەگە كەلگەن. 1994 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن بىتىرگەن.
1994-1995 جىلدارى ءال-فارابي اتىنداعى قازاق ۇلتتىق ۋنيۆەرسيتەتىنىڭ وقىتۋشىسى، 1995-1999 جىلدارى ۇلتتىق عىلىم اكادەمياسىنىڭ شىعىستانۋ ينستيتۋتىنىڭ عىلىمي قىزمەتكەرى، 2000-2004 جىلدارى قازاقستان رەسپۋبليكاسىنىڭ ەگيپەت رەسپۋبليكاسىنداعى ەلشىلىگىنىڭ ءبىرىنشى حاتشىسى بولعان. 2004-2006 جىلدارى بيزنەس قۇرىلىمدارىندا جۇمىس ىستەپ، 2008-2011 جىلدارى قازاقستان رەسپۋبليكاسىنىڭ ساۋد ارابيا كورولدىگىندەگى ەلشىلىگىنىڭ كەڭەسشىسى، 2011-2014 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ سەكتور مەڭگەرۋشىسى، 2014-2017 جىلدارى قازاقستان رەسپۋبليكاسىنىڭ دۋباي قالاسىنداعى (بىرىككەن اراب امىرلىكتەرى) باس كونسۋلى، 2017-2020 جىلدارى قازاقستان رەسپۋبليكاسىنىڭ ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى، 2019–2020 جىلدارى قازاقستان رەسپۋبليكاسىنىڭ الجير حالىقتىق-دەموكراتيالىق رەسپۋبليكاسىنداعى، تۋنيس رەسپۋبليكاسىنداعى توتەنشە جانە وكىلەتتى ەلشىسى قىزمەتتەرىن قوسا اتقارعان.
سىرتقى ىستەر ءمينيسترىنىڭ ورىنباسارى بولىپ تاعايىندالعانعا دەيىن 2020 جىلدان باستاپ قازاقستاننىڭ قاتار مەملەكەتىندەگى توتەنشە جانە وكىلەتتى ەلشىسى بولعان.
توتەنشە جانە وكىلەتتى ەلشى ديپلوماتيالىق دارەجەسى بار. اراب جانە اعىلشىن تىلدەرىن مەڭگەرگەن.
