«ادىلەت» پارتياسىنىڭ سايلاۋالدى ناۋقانى قاراعاندى وبلىسىندا جالعاستى. پارتيا توراعاسى ايبەك دادەباي باستاعان رەسپۋبليكالىق سايلاۋالدى شتابتىڭ مۇشەلەرى اكادەميك ە.ا. بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتىندە عىلىمي قاۋىمداستىق وكىلدەرىمەن، وقىتۋشىلارمەن، پەداگوگتەرمەن جانە جۇرتشىلىقپەن كەزدەسۋ وتكىزدى.
كەزدەسۋ بارىسىندا قۇرىلتاي دەپۋتاتتىعىنا كانديداتتار اسحات ايماعامبەتوۆ، نۇرلان دۋلاتبەكوۆ، ءۇنزيلا شاپاق، نيكيتا شاتالوۆ جانە ەكاتەرينا سمىشلياەۆا پارتيانىڭ 2026-2031 جىلدارعا ارنالعان «ادىلەتتى بولاشاق ءۇشىن» سايلاۋالدى باعدارلاماسىنىڭ نەگىزگى باعىتتارىن تانىستىردى. وندا ءبىلىم مەن عىلىمدى دامىتۋعا، جاستاردى قولداۋعا، ەڭبەك نارىعىندا سۇرانىسقا يە مامانداردى دايارلاۋعا، وڭىرلەردىڭ كادرلىق الەۋەتىن نىعايتۋعا جانە جاستاردىڭ كاسىبي تۇرعىدا قابىلەتىن اشۋعا جاعداي جاساۋعا ەرەكشە نازار اۋدارىلعان.
كەزدەسۋ اشىق ديالوگ فورماتىندا ءوتتى. پروفەسسور-وقىتۋشىلار قۇرامى، پەداگوگيكالىق جانە عىلىمي قاۋىمداستىق وكىلدەرى، ستۋدەنتتەر مەن ءوڭىر تۇرعىندارى سۇراقتارىن قويىپ، كانديداتتاردىڭ الداعى زاڭ شىعارۋ قىزمەتىنە قاتىستى ۇسىنىستارىن جەتكىزدى.
ماسەلەن، قاراعاندى وبلىستىق «ۆايناح» شەشەن-ينگۋش ەتنومادەني بىرلەستىگىنىڭ توراعاسى ۋۆايس دجاناەۆ پارتيانىڭ وڭىرلىك فيليالدارىنىڭ جانىنان تۇراقتى جۇمىس ىستەيتىن قوعامدىق كەلىسىم كەڭەستەرىن قۇرۋدى ۇسىنسا، تاريح ءپانىنىڭ مۇعالىمى ومىرسەرىك نەسىپباەۆ يندۋستريالىق وڭىرلەرگە مامان دايارلاۋدىڭ ماڭىزىنا توقتالدى. كاسىپكەر ناتاليا ارىستانوۆا باعدارلاماداعى جاس وتباسىلاردى قولداۋ جانە وتباسى قۇندىلىقتارىن نىعايتۋعا باعىتتالعان شارالاردى كۇشەيتۋ كەرەك دەسە، سپورت ارداگەرى ۆالەري گروموۆ ءىرى ونەركاسىپ كاسىپورىندارىنىڭ ەكولوگيالىق جاۋاپكەرشىلىگىنە قاتىستى پارتيانىڭ باستامالارى تۋرالى سۇراپ، ءبىلدى.
ءوڭىر تۇرعىندارىنىڭ سۇراقتارىنا جاۋاپ بەرگەن قۇرىلتاي دەپۋتاتتىعىنا كانديدات ءۇنزيلا شاپاق پارتيا ءوڭىردى دامىتۋدىڭ پەرسپەكتيۆالى باعىتتارىنىڭ ءبىرى رەتىندە كرەاتيۆتى ەكونوميكانى قاراستىراتىنىن اتاپ ءوتتى.
«كرەاتيۆتى يندۋستريالاردى دامىتۋ جاڭا جۇمىس ورىندارى مەن جاستاردىڭ الەۋەتىن اشۋعا جانە ءوڭىردىڭ زاماناۋي ەكونوميكاسىن قالىپتاستىرۋعا مۇمكىندىك بەرەدى. بۇگىن ءبىز باعدارلامانى عانا ەمەس، سونىمەن بىرگە جاڭا قوعامدىق مادەنيەتتى قالىپتاستىرۋ جولىن ۇسىنىپ وتىرمىز»، - دەدى ءۇنزيلا شاپاق.
وڭىرلەردىڭ الەۋمەتتىك-ەكونوميكالىق دامۋى تاقىرىبىن جالعاستىرعان قۇرىلتاي دەپۋتاتتىعىنا كانديدات ەكاتەرينا سمىشلياەۆا ونەركاسىپ ساياساتىنا، مونوقالالاردى دامىتۋعا جانە وتاندىق ءوندىرىستى قولداۋعا ارنالعان باعدارلامانىڭ نەگىزگى ەرەجەلەرىن تانىستىردى.
ء«بىزدىڭ يندۋستريالىق ساياساتىمىزدىڭ نەگىزىندە شيكىزاتتىق مودەلدەن جوعارى قوسىلعان قۇنى بار ەكونوميكاعا كوشۋ جاتىر. سونىڭ جارقىن مىسالىنىڭ ءبىرى – بۇگىندە ساران قالاسىنىڭ ەكونوميكانى ءارتاراپتاندىرۋ باعىتىنداعى تاجىريبەسى. سوندىقتان مونوقالالاردى دامىتۋ باعدارلامامىزدا جەكە بلوك رەتىندە قاراستىرىلعان. ءبىز ونەركاسىپتى دامىتۋ وتاندىق وندىرۋشىلەردى قولداۋمەن، جاڭا جۇمىس ورىندارىن اشۋمەن جانە ادامداردىڭ ءومىر سۇرۋىنە قولايلى زاماناۋي ينفراقۇرىلىم قالىپتاستىرۋمەن قاتار ءجۇرۋى ءتيىس دەپ سانايمىز»، - دەدى ەكاتەرينا سمىشلياەۆا.
كەزدەسۋ سوڭىندا ءوڭىر تۇرعىندارىنىڭ الدىندا «ادىلەت» پارتياسىنىڭ توراعاسى ايبەك دادەباي ءسوز سويلەدى. ول سايلاۋالدى باعدارلامانىڭ تسيفرلىق پلاتفورمالار مەن ازاماتتاردىڭ ءوز ۇسىنىستارى نەگىزىندە ازىرلەنگەنىن اتاپ ءوتتى.
ء«بىز ءاربىر ازامات ءوز پىكىرىن ءبىلدىرىپ، ۇسىنىسىن ەنگىزە الۋى ءۇشىن تسيفرلىق پلاتفورمالاردى پايدالاندىق. باعدارلامادا ناقتى ماقساتتار بەلگىلەنگەن: ءبىر ميلليون ساپالى جۇمىس ورنىن قۇرۋ، حالىقتىڭ ورتاشا ءومىر ءسۇرۋ ۇزاقتىعىن 77 جاسقا دەيىن جانە ودان دا جوعارى دەڭگەيگە جەتكىزۋ، سونداي-اق جەرگىلىكتى ماڭىزى بار جولداردىڭ نورماتيۆتىك جاعدايداعى ۇلەسىن 95 پايىزعا دەيىن ارتتىرۋ. ءبىز ءۇشىن بۇل كورسەتكىشتەردىڭ جاي عانا ابستراكتىلى ساندار بولىپ قالماعانى ماڭىزدى. ءبىز ورىندالمايتىن ۋادە بەرمەيمىز. ورىنداۋعا دا، تەكسەرۋگە دە بولاتىن مىندەتتەمەلەردى ءوز موينىمىزعا الامىز»، - دەدى ايبەك دادەباي.
كەزدەسۋدى قورىتىندىلاعان پارتيا توراعاسى رەسپۋبليكالىق سايلاۋالدى شتاب وكىلدەرى قاراعاندى وبلىسى تۇرعىندارىنىڭ ۇسىنىستارىن جان-جاقتى زەردەلەگەنىن ايتتى.
كوممۋنالدىق ينفراقۇرىلىمدى جاڭعىرتۋ، وندىرىستەردى جاڭارتۋ، ەڭبەك قاۋىپسىزدىگىن قامتاماسىز ەتۋ، اۋىل شارۋاشىلىعى ونىمدەرىن وڭدەۋدى دامىتۋ، جاڭا جۇمىس ورىندارىن قۇرۋ جانە كولىك ينفراقۇرىلىمىن دامىتۋ ماسەلەلەرى تالدانىپ، پارتيانىڭ الداعى جۇمىسىندا ەسكەرىلەدى.
ءدال وسى كۇنى قۇرىلتاي دەپۋتاتتىعىنا كانديداتتار قانىش تولەۋشين، ەركەبۇلان ءىلياسوۆ، راۋان كەنجەحانۇلى، ايسۇلۋ سۇلەيمەنوۆا جانە باسقا دا كانديداتتار كاسىپكەرلەرمەن، IT-قوعامداستىق وكىلدەرىمەن، TEN QOGAM الەۋمەتتىك بەيىمدەۋ ورتالىعىنىڭ قاتىسۋشىلارىمەن جانە بەلسەندى ۇزاق ءومىر ءسۇرۋ ورتالىعىنىڭ وكىلدەرىمەن دە كەزدەسۋ وتكىزدى. پارتيا وكىلدەرىنىڭ قاراعاندى وبلىسىنداعى كەزدەسۋلەرى جالعاسىپ جاتىر.
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
