استاناداعى Tarlan Astana LRT ستانتسيالارىندا قوعامدىق ءتارتىپتى ساقتاۋ جانە جولاۋشىلاردىڭ قاۋىپسىزدىگىن قامتاماسىز ەتۋگە باعىتتالعان پروفيلاكتيكالىق جۇمىستار كۇشەيتىلدى، دەپ حابارلايدى "ادىرنا" ۇلتتىق پورتالى.
باس كولىك پروكۋراتۋراسىنىڭ مالىمەتىنشە، كولىك پروكۋراتۋراسى مەن كولىك پوليتسياسىنىڭ قىزمەتكەرلەرى بىرلەسىپ، ستانتسيالاردا جولاۋشىلارعا قاۋىپسىز ءجۇرىپ-تۇرۋ قاعيدالارىن ءتۇسىندىرىپ، اكىمشىلىك جانە قىلمىستىق قۇقىق بۇزۋشىلىقتار ءۇشىن كوزدەلگەن جاۋاپكەرشىلىك تۋرالى اقپارات بەرىپ جاتىر. سونىمەن قاتار ازاماتتارعا قۇقىقتىق كەڭەس بەرىلىپ، ارنايى اقپاراتتىق جادىنامالار تاراتىلۋدا. ۆەدومستۆونىڭ حابارلاۋىنشا، Tarlan Astana LRT ىسكە قوسىلعان كۇننەن باستاپ بارلىق ستانتسيالار مەن پويىزداردا كولىك پوليتسياسىنىڭ قىزمەتكەرلەرى تاۋلىك بويى كەزەكشىلىك اتقارىپ كەلەدى.
وسى ۋاقىت ىشىندە جولاۋشىلاردان تۇسكەن 34 ءوتىنىش قارالىپ، 10 اكىمشىلىك قۇقىق بۇزۋشىلىق بويىنشا ماتەريال راسىمدەلگەن.
سونداي-اق كولىك پوليتسياسىنىڭ قىزمەتكەرلەرى جولاۋشىلار جوعالتىپ العان 113-تەن استام زاتتى يەلەرىنە قايتاردى. ولاردىڭ قاتارىندا ۇيالى تەلەفون، سومكە جانە وزگە دە جەكە زاتتار بار.
قۇزىرلى ورگاندار جولاۋشىلاردى قوعامدىق ورىندارداعى ءتارتىپ پەن قاۋىپسىزدىك تالاپتارىن ساقتاۋعا شاقىردى.
