جوبانى ىسكە اسىرۋ بارىسىندا بارلىق وبەكتىلەردە قۇرىلىس-مونتاجداۋ جۇمىستارىنىڭ كەشەنى ورىندالدى. شاتىردى مونتاجداۋ، عيماراتتاردى سىرتقى جانە ىشكى ارلەۋ، كارىز، سۋمەن، جىلۋمەن جانە ەلەكترمەن جابدىقتاۋدىڭ ينجەنەرلىك جەلىلەرىن جاڭعىرتۋ، جولاۋشىلار پلاتفورمالارىن رەكونسترۋكتسيالاۋ. ارلەۋ كەزىندە قازاقستاندىق ءوندىرىستىڭ زاماناۋي بەرىك جانە وتقا ءتوزىمدى ماتەريالدارى پايدالانىلدى. سونداي-اق ءورت قاۋىپسىزدىگى تالاپتارىنا سايكەس جاڭا ەۆاكۋاتسيالىق شىعۋلار جابدىقتالعان. ۆوكزالدار جاڭا جيھازبەن جانە زاماناۋي جابدىقتارمەن جابدىقتالعان.
1958 جىلى سالىنعان قاراجال تەمىرجول ۆوكزالى قايتا قۇرۋدان كەيىن 395,94 شارشى مەتر زاماناۋي عيمارات بولدى. ستانتسيا ارقىلى قاراعاندىمەن تەمىرجول قاتىناسىن قامتاماسىز ەتەتىن ەكى جولاۋشىلار پويىزى جۇرەدى.
1971 جىلى سالىنعان جاڭاارقا ۆوكزالى قولدانىستاعى 315,1 شارشى مەتر عيماراتتى ساقتاي وتىرىپ قايتا قۇرىلدى. ستانتسيا ارقىلى استانا، الماتى، قاراعاندى، جەزقازعان، پاۆلودار، قىزىلوردا، ماڭعىستاۋ، بەينەۋ قالالارىمەن قاتىناۋدى قامتاماسىز ەتەتىن 12 جولاۋشىلار پويىزى وتەدى.
2012 جىلى سالىنعان قىزىلجار ۆوكزالى عيماراتتىڭ اۋدانى 103,8 شارشى مەتردى ساقتاي وتىرىپ قايتا جاڭارتىلدى. ستانتسيا ارقىلى استانا، الماتى، قاراعاندى، جەزقازعان، پاۆلودار، قىزىلوردا، ماڭعىستاۋ، بەينەۋمەن قاتىناۋدى قامتاماسىز ەتەتىن 10 جولاۋشىلار پويىزى وتەدى.
ۆوكزالداردى قايتا جاڭارتۋ جولاۋشىلارعا قىزمەت كورسەتۋ ساپاسىن ارتتىرۋعا، جايلى جانە قاۋىپسىز ورتا قۇرۋعا، سونداي-اق تەمىرجول ينفراقۇرىلىمىنىڭ قولجەتىمدىلىگىن قامتاماسىز ەتۋگە باعىتتالعان. جاڭارتىلعان ۆوكزالدار كولىك ينفراقۇرىلىمىنا قويىلاتىن زاماناۋي تالاپتارعا سايكەس كەلەدى جانە ءوڭىردىڭ تەمىرجول جەلىسىن ودان ءارى دامىتۋعا ىقپال ەتەتىن بولادى.
