اقش پرەزيدەنتى دونالد ترامپ يرانمەن كەلىسسوزدەر دۇيسەنبى كۇنى تۇستەن كەيىن باستالاتىنىن مالىمدەدى. بۇل تۋرالى Reuters جازدى، دەپ حابارلايدى «ادىرنا» ءتىلشىسى.
«قازىر ءبىز كەلىسسوزدەر فورماتىندا ديالوگ جۇرگىزىپ جاتىرمىز. ولار ەرتەڭ باستالادى»، – دەدى ترامپ 2 تامىزدا.
اقش پرەزيدەنتى كەزدەسۋگە كىمدەردىڭ قاتىساتىنىن جانە ونىڭ قاي جەردە وتەتىنىن ناقتىلامادى. الايدا ترامپ ورمۇز بۇعازى ماسەلەسى بويىنشا كەلىسىم ازىرلەنىپ جاتقانىن، ال ودان كەيىن يراندى يادرولىق قارۋسىزداندىرۋ جونىندەگى كەلىسىمگە قول جەتكىزىلۋى مۇمكىن ەكەنىن ايتتى.
اق ءۇي باسشىسى يرانعا كەزەكتى سوققى جاساۋدان نەگە باس تارتقانىن دا ءتۇسىندىردى.
«ساۋد ارابياسى، بىرىككەن اراب امىرلىكتەرى، قاتار جانە يران ءوتىنىش جاسادى… ءبىز قالاعان كەز كەلگەن ساتتە ارەكەت ەتۋگە دايىنبىز»، – دەدى ول.
ەسكە سالايىق، ماۋسىم ايىنىڭ سوڭىندا اقش پەن يران بەيبىتشىلىك تۋرالى مەموراندۋمعا قول قويعان ەدى. الايدا شىلدە ايىنىڭ باسىندا ترامپ ءبىتىمنىڭ اياقتالعانىن مالىمدەدى. وسىدان كەيىن ەكى ەل ءبىر-بىرىنە قارسى شابۋىلدارىن قايتا جالعاستىردى.
