فوتو:«كريمينالنىي كازاحستان»
قوناەۆتاعى اسكەري بولىمدە ءتورتىنشى قاباتتان قۇلاعان مەرزىمدى اسكەري قىزمەتشى جانساقتاۋ بولىمىندە جاتىر. بۇل تۋرالى «كريمينالنىي كازاحستان» جازدى، دەپ حابارلايدى "ادىرنا".
اقپاراتقا سايكەس، 2006 جىلى تۋعان مەرزىمدى اسكەري قىزمەتشى قوناەۆ قالاسىنداعى اسكەري ءبولىم عيماراتىنىڭ ءتورتىنشى قاباتىنان قۇلاپ، اۋىر جاراقات الدى. قازىر ول جانساقتاۋ بولىمىندە جاتىر.
تۋىستارىنىڭ ايتۋىنشا، سارباز وتباسىمەن ۇنەمى بايلانىستا بولعان جانە اسكەري قىزمەتتىڭ جاعدايىنا نەمەسە دەنساۋلىعىنا قاتىستى ەشقاشان شاعىمدانباعان. وقيعاعا دەيىن كوپ ۇزاماي اتا-اناسى وعان بارىپ قايتقان. جاقىندارىنىڭ سوزىنشە، سول كەزدە ونىڭ جاعدايى جاقسى بولعان.
الدىن الا مالىمەت بويىنشا، اسكەري قىزمەتشىنىڭ بىرنەشە قابىرعاسى سىنىپ، وكپەسى مەن بۇيرەگىنە جانە قۋىعىنا زاقىم كەلگەن.
مارقۇمنىڭ تۋىستارى ونىڭ وزدىگىنەن تەرەزەدەن قۇلاعانى تۋرالى بولجامعا سەنبەيدى. ولار بەينەباقىلاۋ كامەرالارىنداعى جازبالاردى جاريالاپ، وقيعانىڭ بارلىق ءمان-جايىن جان-جاقتى ءارى وبەكتيۆتى تەرگەۋدى تالاپ ەتتى.
