جىل باسىنان بەرى قىزىلوردا وبلىسى اۋماعىندا 300 ءورت وقيعاسى تىركەلدى، بۇل وتكەن جىلدىڭ سايكەس كەزەڭىمەن سالىستىرعاندا 4,2%-عا ارتىق (2025 جىلى – 288). ءورت سالدارىنان 3 ادام قازا تاۋىپ (2025 جىلى – 4), 10 ادام جاراقات الدى، بۇل وتكەن جىلدىڭ دەڭگەيىمەن بىردەي.
ورتتەردىڭ 165-ءى تۇرعىن ءۇي سەكتورىندا ورىن الىپ، ولاردىڭ 70 پايىزدان استامى تۇرعىنداردىڭ ءورت قاۋىپسىزدىگى تالاپتارىن ساقتاماۋىنان تۋىنداعان.
ءورت قاۋىپتى كەزەڭ باستالعالى جەكە جانە زاڭدى تۇلعالارعا قاتىستى 596 اكىمشىلىك قۇقىق بۇزۋشىلىق انىقتالىپ، جالپى سوماسى 11 ملن 410 مىڭ تەڭگە ايىپپۇل سالىندى. ونىڭ ىشىندە 77 دەرەك قۋراعان ءشوپ، قامىس جانە قوقىس قالدىقتارىن ورتەۋ فاكتىلەرى بويىنشا تىركەلدى.
مەملەكەت باسشىسى باستاماشىلىق ەتكەن «تازا قازاقستان» باعدارلاماسى مەن «زاڭ جانە ءتارتىپ» قاعيداتىن ىسكە اسىرۋ اياسىندا توتەنشە جاعدايلار دەپارتامەنتى جەرگىلىكتى اتقارۋشى ورگاندارمەن، پوليتسيامەن، ەكولوگيا دەپارتامەنتىمەن جانە ەرىكتىلەرمەن بىرلەسىپ ءورت قاۋىپسىزدىگى تالاپتارىن ساقتاۋ بويىنشا تۇراقتى پروفيلاكتيكالىق جۇمىستار جۇرگىزۋدە. اتالعان ءىس-شارالار بارىسىندا ازاماتتارعا قوقىس قالدىقتارىن، قۋراعان ءشوپ پەن قامىستى ورتەۋ قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 336 بابىنا سايكەس اكىمشىلىك جاۋاپتىلىققا اكەپ سوعاتىنى ءتۇسىندىرىلىپ، بەلگىلەنگەن مولشەردە اكىمشىلىك ايىپپۇل كوزدەلگەنى تۋرالى ەسكەرتىلدى.
وسىعان بايلانىستى توتەنشە جاعدايلار دەپارتامەنتى تۇرعىنداردى ءورت قاۋىپسىزدىگى تالاپتارىن قاتاڭ ساقتاۋعا، قوقىس پەن قۇرعاق وسىمدىكتەردى ورتەمەۋگە جانە ءورتتىڭ تۋىنداۋىنا جول بەرمەۋگە شاقىرادى.
