الماتىداعى «سەرگەك» كامەرالارى ەندى جول ەرەجەسىن بۇزعان ساموكاتشىلاردى دا باقىلاۋعا الادى. بۇل تۋرالى بۇگىن، 10 تامىزدا قالالىق پوليتسيا دەپارتامەنتىنىڭ رەسمي وكىلى سالتانات ازىربەك ايتتى، دەپ حابارلايدى «ادىرنا» ءتىلشىسى.
ول زاڭناماعا ەنگىزىلگەن جاڭا تالاپتاردان كەيىن ەلەكتروساموكاتتار تولىققاندى كولىك قۇرالى رەتىندە تانىلىپ، ولاردى پايدالانۋشىلار مەن كيكشەرينگ كومپانيالارىنا ءتيىستى مىندەتتەر جۇكتەلگەنىن جەتكىزدى.
«دايىندىق كەزەڭىندە قالاداعى جول قاۋىپسىزدىگى مەن قوعامدىق ءتارتىپتى قامتاماسىز ەتۋگە قولدانىلاتىن اۆتوماتتاندىرىلعان جۇيەلەرمەن، سونىڭ ىشىندە «سەرگەك» جۇيەسىمەن بەلسەندى جۇمىس جۇرگىزىلدى. قازىر كيكشەرينگ كومپانيالارىنىڭ دەرەكتەرىن پوليتسيانىڭ اقپاراتتىق بازاسىمەن ينتەگراتسيالاۋ جۇمىستارى جالعاسۋدا. ناتيجەسىندە «سەرگەك» ەلەكتروساموكات جۇرگىزۋشىلەرى جاساعان قۇقىق بۇزۋشىلىقتاردى انىقتايتىن بولادى»،– دەدى سالتانات ازىربەك.
ونىڭ سوزىنشە، قازىرگى ۋاقىتتا كيكشەرينگ كومپانيالارىنىڭ دەرەكتەرىن پوليتسيانىڭ اقپاراتتىق بازاسىمەن بىرىكتىرۋ جۇمىستارى جۇرگىزىلىپ جاتىر. سونداي-اق پد رەسمي وكىلى 2026 جىلدىڭ باسىنان بەرى 18 مىڭنان استام ەلەكتروساموكات پايدالانۋشىسى اكىمشىلىك جاۋاپكەرشىلىككە تارتىلعانىن اتاپ ءوتتى.
ەسكە سالايىق، 25 تامىزدان باستاپ الماتىدا ەلەكترساموكاتتاردىڭ تروتۋارلار مەن جاياۋ جۇرگىنشىلەر جولىمەن جۇرۋىنە تىيىم سالىنعان ەدى.
