استانادا جاتتىعۋ كەزىندە ۇستىنە فۋتبول قاقپاسى قۇلاعان بالا جانساقتاۋ بولىمىنە ءتۇستى. ونىڭ جاعدايى اۋىر دەپ باعالانىپ وتىر، دەپ حابارلايدى "ادىرنا" ۇلتتىق پورتالى.
استانا قالاسىنىڭ قوعامدىق دەنساۋلىق ساقتاۋ باسقارماسىنىڭ مالىمەتىنشە، بالاعا قازىرگى ۋاقىتتا قاجەتتى قارقىندى ەم جۇرگىزىلىپ جاتىر. دارىگەرلەر مەديتسينالىق كومەكتى تولىق كولەمدە كورسەتۋدە. وقيعاعا بايلانىستى قازاقستان فۋتبول فەدەراتسياسى دا مالىمدەمە جاسادى. فەدەراتسيانىڭ حابارلاۋىنشا، فۋتبول الاڭى جەكە فۋتبول مەكتەبىنە جاتتىعۋ وتكىزۋ ءۇشىن جالعا بەرىلگەن.
قفف وقيعانىڭ بارلىق ءمان-جايىن انىقتاۋ ماقساتىندا ىشكى تەكسەرۋ جۇرگىزىپ جاتىر. سونىمەن قاتار نىساننىڭ جانە سپورتتىق جابدىقتاردىڭ تەحنيكالىق جاعدايى زەرتتەلەدى. فەدەراتسيا تەرگەۋ جۇرگىزىپ جاتقان ۋاكىلەتتى ورگاندارعا قاجەتتى اقپارات بەرۋگە جانە وقيعانىڭ ءمان-جايىن انىقتاۋعا جان-جاقتى قولداۋ كورسەتۋگە دايىن ەكەنىن ايتتى.
قازىر بالانىڭ جاعدايى دارىگەرلەردىڭ باقىلاۋىندا.
