Astanada jattyǧu kezınde üstıne futbol qaqpasy qūlaǧan bala jansaqtau bölımıne tüstı. Onyŋ jaǧdaiy auyr dep baǧalanyp otyr, dep habarlaidy "Adyrna" ūlttyq portaly.
Astana qalasynyŋ qoǧamdyq densaulyq saqtau basqarmasynyŋ mälımetınşe, balaǧa qazırgı uaqytta qajettı qarqyndy em jürgızılıp jatyr. Därıgerler medisinalyq kömektı tolyq kölemde körsetude. Oqiǧaǧa bailanysty Qazaqstan futbol federasiiasy da mälımdeme jasady. Federasiianyŋ habarlauynşa, futbol alaŋy jeke futbol mektebıne jattyǧu ötkızu üşın jalǧa berılgen.
QFF oqiǧanyŋ barlyq män-jaiyn anyqtau maqsatynda ışkı tekseru jürgızıp jatyr. Sonymen qatar nysannyŋ jäne sporttyq jabdyqtardyŋ tehnikalyq jaǧdaiy zertteledı. Federasiia tergeu jürgızıp jatqan uäkılettı organdarǧa qajettı aqparat beruge jäne oqiǧanyŋ män-jaiyn anyqtauǧa jan-jaqty qoldau körsetuge daiyn ekenın aitty.
Qazır balanyŋ jaǧdaiy därıgerlerdıŋ baqylauynda.
