Qazaqstan quramasynyń bas bapkeri Lıýksembýrg pen Qazaqstan arasyndaǵy matchqa qatysty pikir bildirdi, dep habarlaıdy "Adyrna" tilshisi.
Magomed Adıev baspasóz máslıhatynda Qazaqstan-Lıýksembýrg oıynyna qatysty pikir bildirdi.
"Qazir komandada jalpy kóńilsizdik basym. Biz tarıhı týrnırge alǵash ret qatysqymyz keldi. Kóńilimiz tústi jáne ol kóńilsizdik áli de azdap bar. Bizge jankúıerlerimizdiń aldynda ózimizdiń abyroıymyzdy qaıta qalpyna keltirýimiz kerek", - dedi Adıev.
Bas bapker ulttyq quramany jańartý týraly da aıtty.
"Bizde fýtbolshylar óte kóp emes, ásirese olardyń jasyna baılanysty biz bóle almaımyz. Birinshi orynda adamnyń kásibıligi mańyzdy. Grekııamen oıyn aldynda men Qazaqstannyń fýtbol federaııasy prezıdentine bizdiń kezeń aıaqtalyp kele jatqanyn aıttym, men ony sezindim, muny talqyladyq. Biraq men bul jaǵdaı Grekııamen bolatynyn oılamadym; men ony Ulttar Lıgasyna jaqynyraq bolady dep kútken edim. Afınydaǵy jaǵdaı bizdi belgili bir ózgerister jasaýǵa ıtermeleıtini anyq. Árıne, bir nárseni ózgertý ýaqyty keldi. Biraq men bireýdi shettetý týraly aıtyp otyrǵan joqpyn. Eń aldymen jattyqtyrýshy retinde menen jańa ıdeıalar kútedi. Ony Ázerbaıjan jáne Armenııamen joldastyq oıyndardan bastaý kerek", - dedi bas jattyqtyrýshy Adıev.
Eske sala keteıik, Lıýksembýrg – Qazaqstan arasyndaǵy oıyn naýryzdyń 26-synan 27-sine qaraǵan túni Qazaqstan ýaqyty boıynsha saǵat 00:45-te bastalady.
