Qazaqstan ekınşı atom elektr stansiiasyn salu mäselesı boiynşa äleuettı jetkızuşılermen kelıssözder jürgızıp jatyr. Būl turaly Atom energiiasy agenttıgı töraǧasynyŋ orynbasary Ǧūmar Serǧazin MAGATE Bas konferensiiasynyŋ 70-sessiiasynda mälımdedı, dep habarlaidy «Adyrna» tılşısı.
Aituynşa, ūlttyq iadrolyq baǧdarlama aiasynda bırınşı atom elektr stansiiasynyŋ qūrylysyna daiyndyqpen qatar, ekınşı AES-tı salu perspektivalary da talqylanuda.
«Iаdrolyq baǧdarlamany ıske asyru şeŋberınde bırınşı AES qūrylysyn bastauǧa daiyndyq jürgızılude. Sonymen qatar ekınşı atom elektr stansiiasyn salu mäselesı boiynşa äleuettı jetkızuşılermen kelıssözder jalǧasyp jatyr»,–dedı Serǧazin.
Sondai-aq ol prezident Qasym-Jomart Toqaevtyŋ 2026 jylǧy säuırde bekıtken atom salasyn 2050 jylǧa deiın damytu strategiiasy zamanaui iadrolyq klaster qalyptastyrudyŋ negızıne ainaluy tiıs ekenın atap öttı.
Qūjatta atom energetikasymen qatar oǧan bailanysty önerkäsıptı, ǧylymdy, bılım beru jüiesın jäne joǧary tehnologiialyq öndırıstı damytu közdelgen.
