قازاقستان قۇراماسىنىڭ باس باپكەرى ليۋكسەمبۋرگ پەن قازاقستان اراسىنداعى ماتچقا قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
ماگومەد اديەۆ ءباسپاسوز ءماسليحاتىندا قازاقستان-ليۋكسەمبۋرگ ويىنىنا قاتىستى پىكىر ءبىلدىردى.
"قازىر كوماندادا جالپى كوڭىلسىزدىك باسىم. ءبىز تاريحي تۋرنيرگە العاش رەت قاتىسقىمىز كەلدى. كوڭىلىمىز ءتۇستى جانە ول كوڭىلسىزدىك ءالى دە ازداپ بار. بىزگە جانكۇيەرلەرىمىزدىڭ الدىندا ءوزىمىزدىڭ ابىرويىمىزدى قايتا قالپىنا كەلتىرۋىمىز كەرەك", - دەدى اديەۆ.
باس باپكەر ۇلتتىق قۇرامانى جاڭارتۋ تۋرالى دا ايتتى.
"بىزدە فۋتبولشىلار وتە كوپ ەمەس، اسىرەسە ولاردىڭ جاسىنا بايلانىستى ءبىز بولە المايمىز. ءبىرىنشى ورىندا ادامنىڭ كاسىبيلىگى ماڭىزدى. گرەكيامەن ويىن الدىندا مەن قازاقستاننىڭ فۋتبول فەدەراتسياسى پرەزيدەنتىنە ءبىزدىڭ كەزەڭ اياقتالىپ كەلە جاتقانىن ايتتىم، مەن ونى سەزىندىم، مۇنى تالقىلادىق. بىراق مەن بۇل جاعداي گرەكيامەن بولاتىنىن ويلامادىم; مەن ونى ۇلتتار ليگاسىنا جاقىنىراق بولادى دەپ كۇتكەن ەدىم. افينىداعى جاعداي ءبىزدى بەلگىلى ءبىر وزگەرىستەر جاساۋعا يتەرمەلەيتىنى انىق. ارينە، ءبىر نارسەنى وزگەرتۋ ۋاقىتى كەلدى. بىراق مەن بىرەۋدى شەتتەتۋ تۋرالى ايتىپ وتىرعان جوقپىن. ەڭ الدىمەن جاتتىقتىرۋشى رەتىندە مەنەن جاڭا يدەيالار كۇتەدى. ونى ازەربايجان جانە ارمەنيامەن جولداستىق ويىنداردان باستاۋ كەرەك", - دەدى باس جاتتىقتىرۋشى اديەۆ.
ەسكە سالا كەتەيىك، ليۋكسەمبۋرگ – قازاقستان اراسىنداعى ويىن ناۋرىزدىڭ 26-سىنان 27-سىنە قاراعان ءتۇنى قازاقستان ۋاقىتى بويىنشا ساعات 00:45-تە باستالادى.
