قازاقستان پرەزيدەنتى قاسىم-جومارت توقاەۆ كونگو رەسپۋبليكاسىنىڭ پرەزيدەنتى دەني ساسسۋ-نگەسسو مەن ەل حالقىن ۇلتتىق مەرەكە – تاۋەلسىزدىك كۇنىمەن قۇتتىقتادى، دەپ حابارلايدى “ادىرنا” ءتىلشىسى.
مەملەكەت باسشىسى قازاقستان كونگو رەسپۋبليكاسىن افريكا قۇرلىعىنداعى ماڭىزدى سەرىكتەستەردىڭ ءبىرى رەتىندە قاراستىراتىنىن اتاپ ءوتتى. سونداي-اق ەكى ەل اراسىنداعى قارىم-قاتىناستار الداعى ۋاقىتتا دا بىرلەسكەن كۇش-جىگەردىڭ ارقاسىندا حالىقتاردىڭ يگىلىگى ءۇشىن نىعايا بەرەتىنىنە سەنىم ءبىلدىردى.
قاسىم-جومارت توقاەۆ دەني ساسسۋ-نگەسسوعا جاۋاپتى مەملەكەتتىك قىزمەتىنە تابىس، ال كونگو حالقىنا باقىت پەن باق-بەرەكە تىلەدى.
كونگو رەسپۋبليكاسىنىڭ تاۋەلسىزدىك كۇنى جىل سايىن 15 تامىزدا اتاپ وتىلەدى. 1960 جىلى ءدال وسى كۇنى ەل فرانتسيادان تاۋەلسىزدىگىن جاريالاعان.
سونىمەن قاتار مەملەكەت باسشىسى ليحتەنشتەين كنيازدىگىنىڭ ۇلتتىق كۇنىنە وراي تاق مۇراگەرى الويزگە قۇتتىقتاۋ جەدەلحاتىن جولدادى.
قۇتتىقتاۋ جەدەلحاتىندا قازاقستاننىڭ ليحتەنشتەينمەن كوپجىلدىق دوستىق جانە ءوزارا قۇرمەتكە نەگىزدەلگەن قارىم-قاتىناستاردى جوعارى باعالايتىنى ايتىلعان. پرەزيدەنت ەكى ەل اراسىنداعى ءوزارا ءتيىمدى ىنتىماقتاستىق الداعى ۋاقىتتا دا حالىقتاردىڭ يگىلىگى ءۇشىن نىعايا بەرەتىنىنە سەنىم ءبىلدىردى.
قاسىم-جومارت توقاەۆ تاق مۇراگەرى الويزگە جاۋاپتى مەملەكەتتىك قىزمەتىنە تابىس، ال ليحتەنشتەين كنيازدىگىنىڭ حالقىنا اماندىق، ءال-اۋقات جانە وركەندەۋ تىلەدى.
