Qazaqstan Prezidentı Qasym-Jomart Toqaev Kongo Respublikasynyŋ Prezidentı Deni Sassu-Ngesso men el halqyn Ūlttyq mereke – Täuelsızdık künımen qūttyqtady, dep habarlaidy “Adyrna” tılşısı.
Memleket basşysy Qazaqstan Kongo Respublikasyn Afrika qūrlyǧyndaǧy maŋyzdy serıktesterdıŋ bırı retınde qarastyratynyn atap öttı. Sondai-aq ekı el arasyndaǧy qarym-qatynastar aldaǧy uaqytta da bırlesken küş-jıgerdıŋ arqasynda halyqtardyŋ igılıgı üşın nyǧaia beretınıne senım bıldırdı.
Qasym-Jomart Toqaev Deni Sassu-Ngessoǧa jauapty memlekettık qyzmetıne tabys, al Kongo halqyna baqyt pen baq-bereke tıledı.
Kongo Respublikasynyŋ Täuelsızdık künı jyl saiyn 15 tamyzda atap ötıledı. 1960 jyly däl osy künı el Fransiiadan täuelsızdıgın jariialaǧan.
Sonymen qatar Memleket basşysy Lihtenştein Kniazdıgınıŋ Ūlttyq künıne orai taq mūragerı Aloizge qūttyqtau jedelhatyn joldady.
Qūttyqtau jedelhatynda Qazaqstannyŋ Lihtenşteinmen köpjyldyq dostyq jäne özara qūrmetke negızdelgen qarym-qatynastardy joǧary baǧalaityny aitylǧan. Prezident ekı el arasyndaǧy özara tiımdı yntymaqtastyq aldaǧy uaqytta da halyqtardyŋ igılıgı üşın nyǧaia beretınıne senım bıldırdı.
Qasym-Jomart Toqaev taq mūragerı Aloizge jauapty memlekettık qyzmetıne tabys, al Lihtenştein Kniazdıgınıŋ halqyna amandyq, äl-auqat jäne örkendeu tıledı.
