قازاقستاندا 2026 جىلدىڭ ءبىرىنشى جارتىجىلدىعىندا حالىق دەنساۋلىعىنا قاتىستى بىرقاتار نەگىزگى كورسەتكىش جاقساردى، دەپ حابارلايدى "ادىرنا" ءتىلشىسى.
بۇل تۋرالى دەنساۋلىق ساقتاۋ مينيسترلىگى حابارلادى.
ۆەدومستۆو مالىمەتىنشە، ەلدەگى جالپى ءولىم-ءجىتىم كورسەتكىشى 0,8%-عا تومەندەگەن. ءولىم-ءجىتىمنىڭ ەڭ جوعارى تومەندەۋى قان اينالىمى جۇيەسى اۋرۋلارىنان – 10,9%-عا، ونكولوگيالىق اۋرۋلاردان – 5%-عا جانە جول-كولىك وقيعالارىنىڭ سالدارىنان – 20,9%-عا تىركەلگەن. انا مەن بالا دەنساۋلىعىنا قاتىستى كورسەتكىشتەر دە جاقسارعان. سوڭعى جەتى ايدا انا ءولىمى 17,5%-عا ازايعان. نارەستە ءولىمى 5,93, ال نەوناتالدىق ءولىم كورسەتكىشى 3,05 دەڭگەيىندە قالىپتاسقان. مينيسترلىك بۇل كورسەتكىشتەردىڭ جوسپارلى مەجەدەن ايتارلىقتاي جاقسى ەكەنىن اتاپ ءوتتى.
سونىمەن قاتار دەنساۋلىق ساقتاۋ مينيسترلىگى كورسەتكىشتەرى تومەن وڭىرلەردە ەرتە دياگنوستيكا جۇمىستارىن كۇشەيتۋدى جوسپارلاپ وتىر. پاتسيەنتتەردى مەديتسينالىق ۇيىمدار اراسىندا باعىتتاۋ جۇيەسىن جەتىلدىرۋگە دە باسىمدىق بەرىلمەك. مينيسترلىكتىڭ مالىمەتىنشە، 2026 جىلدىڭ ەكىنشى جارتىجىلدىعىنداعى نەگىزگى مىندەت – دەنساۋلىق ساقتاۋ سالاسىنداعى وڭ ديناميكانى ساقتاۋ جانە ازاماتتاردىڭ ءومىر ءسۇرۋ ساپاسى مەن ۇزاقتىعىنا تىكەلەي اسەر ەتەتىن كورسەتكىشتەردى جاقسارتۋ.
