Qazaqstanda 2026 jyldyŋ bırınşı jartyjyldyǧynda halyq densaulyǧyna qatysty bırqatar negızgı körsetkış jaqsardy, dep habarlaidy "Adyrna" tılşısı.
Būl turaly densaulyq saqtau ministrlıgı habarlady.
Vedomstvo mälımetınşe, eldegı jalpy ölım-jıtım körsetkışı 0,8%-ǧa tömendegen. Ölım-jıtımnıŋ eŋ joǧary tömendeuı qan ainalymy jüiesı aurularynan – 10,9%-ǧa, onkologiialyq aurulardan – 5%-ǧa jäne jol-kölık oqiǧalarynyŋ saldarynan – 20,9%-ǧa tırkelgen. Ana men bala densaulyǧyna qatysty körsetkışter de jaqsarǧan. Soŋǧy jetı aida ana ölımı 17,5%-ǧa azaiǧan. Näreste ölımı 5,93, al neonataldyq ölım körsetkışı 3,05 deŋgeiınde qalyptasqan. Ministrlık būl körsetkışterdıŋ josparly mejeden aitarlyqtai jaqsy ekenın atap öttı.
Sonymen qatar densaulyq saqtau ministrlıgı körsetkışterı tömen öŋırlerde erte diagnostika jūmystaryn küşeitudı josparlap otyr. Pasientterdı medisinalyq ūiymdar arasynda baǧyttau jüiesın jetıldıruge de basymdyq berılmek. Ministrlıktıŋ mälımetınşe, 2026 jyldyŋ ekınşı jartyjyldyǧyndaǧy negızgı mındet – densaulyq saqtau salasyndaǧy oŋ dinamikany saqtau jäne azamattardyŋ ömır süru sapasy men ūzaqtyǧyna tıkelei äser etetın körsetkışterdı jaqsartu.
