Avstraliianyŋ Alis-Springs qalasynda bes jastaǧy qyzdyŋ ölımıne bailanysty jappai narazylyqtar bastaldy, dep habarlaidy "Adyrna" ūlttyq portaly Al Jazeera-ǧa sıltep.
Bes jastaǧy qyz ötken senbı künı joǧalyp ketken. Keiın onyŋ denesı ormannan tabyldy.
Polisiia mälımetınşe, qyzdy ūrlaǧan küdıktı būǧan deiın de zorlyq-zombylyq faktılerı boiynşa sottalǧan. Qauıpsızdık maqsatynda ol Darvin qalasyna jetkızıldı.
Elde jüzdegen adam küdıktı jetkızılgen auruhanany qorşauǧa alǧan. Jergılıktı tūrǧyndar polisiia kelmei tūryp 47 jastaǧy er adamdy soqqyǧa jyǧyp, esınen tandyrǧan.
Qaqtyǧys barysynda narazylyq bıldıruşıler jedel qyzmet kölıkterıne tas laqtyryp, tehnikany örtegen. Saldarynan polisiia qyzmetkerlerı men medisina mamandary zardap şektı. Jedel järdem jäne ört söndıru kölıkterıne zaqym kelgen. Qūqyq qorǧau organdary közden jas aǧyzatyn gaz qoldanuǧa mäjbür boldy.
Bilık ökılderı tūrǧyndardy sabyrǧa şaqyryp, ıstıŋ zaŋ aiasynda qaralatynyn mälımdedı. Qalada uaqytşa alkogol satuǧa tyiym salynyp, polisiia baqylauy küşeitıldı.
