Iran bıligi bir jylda 834 adamdy ólim jazasyna kesken, dep habarlaıdy "Adyrna" tilshisi.
2023 jyly oryn alǵan ólim jazasy sońǵy segiz jyldaǵy eń joǵary kórsetkish bolǵan.
Iran respýblıkasynyń bıligi tek 215 ólim jazasy týraly aqparatty resmı túrde jarııalady. Bul qatań úkimderdi oryndaý faktileriniń jalpy sanynyń 15% ǵana quraıdy.
2015 jyly ıslam elinde 972 adam ólim jazasyna kesilgen edi.
Iran adam quqyqtary (Iran Human Rights) uıymy men Franııadaǵy «Ólim jazasyna qarsy birge» uıymy jasaǵan ortaq málimdemede Iran rejımi bılikti saqtap qalý úshin halyqty úreımen ustaýǵa den qoıǵany aıtylýda. Irannyń adam quqyqtary jónindegi jetekshisi Mahmud Ámir-Muqadamnyń aıtýynsha, bul tarapta ólim jazasy eń mańyzdy quralǵa aınalǵan.
Darǵa asylǵandardyń 167-si negizinen separatıstik áreketi úshin aıyptalǵany habarlandy.
"Qoǵamnan qorqý — bılikti saqtaýdyń jalǵyz joly, al ólim jazasy — rejımniń mańyzdy quraly", — dep túsindirdi Irandaǵy adam quqyqtary uıymynyń dırektory Mahmýd Amerı-Mogaddam statıstıkaǵa.
Ólim jazasyna kesilgenderdiń arasynda eki kámeletke tolmaǵandar men 22 áıel bar. Sońǵy kórsetkish 2013 jyldan bergi rekordtyq kórsetkish bolyp tabylady.
