İrannyŋ onǧa juyq qalasynda, onyŋ ışınde Tegeranda tūrǧyndar zeinetaqy men basqa da äleumettık tölemderdı köbeitudı, sondai-aq eŋbek jaǧdaiyn jaqsartudy talap etken şeruler ötkızdı. Būl turaly Iran International jariialady, dep habarlaidy “Adyrna” ūlttyq portaly.
Narazylyq şerulerı jeksenbı, 7 şılde reformator Masud Pezeşkiannyŋ (Pezeşkian) jeŋısımen aiaqtalǧan kezekten tys prezident sailauynyŋ ekınşı tury aiasynda öttı. Şeruge zeinetkerler men būryn mūnai-himiia käsıporyndarynda jūmys ıstegen jūmyssyzdar şyqty.
Narazylyq bıldıruşıler zeinetaqy men järdemaqyny kedeilık şegınıŋ naqty deŋgeiıne deiın köterudı, tegın jäne sapaly medisinalyq qyzmet körsetudı, jūmys ornyn qamtamasyz etudı jäne jalaqyny köterudı talap ettı.
Būǧan qosa, bırneşe ūzaqqa sozylǧan ereuılder turaly habarlandy. Eldıŋ soltüstıgındegı Rudbarda sumen jabdyqtauşylar segız ailyq jalaqy qaryzyn töleudı talap etıp, narazylyq tanytuda. İrannyŋ oŋtüstıgınde jeltoqsan aiynan berı aqşa almaǧan mūnai-gaz kompaniialarynyŋ qyzmetkerlerı de ereuıl arqyly
Narazylyq bıldıruşıler jalaqy bereşegın jabumen qatar, täuelsız käsıpodaqtardy qūrudy jäne saladaǧy «qanauşy merdıgerlerdı» joiudy talap etude. Soŋǧy on jylda mūnai-gaz sektory deldal retınde äreket etetın küştı memlekettık şeneunıkterge autsorsingke berılgenı naqtylandy. Osydan keiın jalaqyny qysqartu jäne eŋbek jaǧdailaryn küşeitu bastaldy.
Būqaralyq aqparat qūraldarynyŋ habarlauynşa, İran būryn-soŋdy bolmaǧan ekonomikalyq daǧdarysty bastan keşude. Jyldyq infliasiia şamamen 50%-dy qūraidy. Eŋ tömengı jalaqy dollar ekvivalentınde $190 qūraidy, būl el tūrǧyndaryn künkörıs qamymen küresuge mäjbür etedı. Tegerandaǧy künkörıs deŋgeiı şamamen $500, basqa qalalarda $350 qūraidy.
Keibır şeruşıler İslam Respublikasy bilıgınen käsıpodaq belsendısı Şarifa Mohammadige şyǧarylǧan ölım jazasyn joiudy da talap etıp jatqany atap ötıldı. Köpşılık äielder tek batyl mälımdemelerı men ükımettı synaǧany üşın ǧana qudalanady dep esepteidı.
