گەرمانيادا حايدەناۋ قالاسىنىڭ ماڭىنداعى ەلبا وزەنىنەن ەكىنشى دۇنيەجۇزىلىك سوعىس كەزەڭىنەن قالعان بومبا تابىلدى. بۇل تۋرالى Spiegel باسىلىمى جازدى، دەپ حابارلايدى «ادىرنا» ءتىلشىسى.
جارىلعىش زاتتاردى زالالسىزداندىرۋ قىزمەتىنىڭ مالىمەتىنشە، سالماعى 250 كەلى بولاتىن اۆياتسيالىق بومبا زالالسىزداندىرىلماق. وسىعان بايلانىستى تابىلعان جەردىڭ اينالاسىنداعى 1000 مەتر راديۋستاعى اۋماقتى ەۆاكۋاتسيالاۋ جوسپارلانىپ وتىر.
پوليتسيانىڭ حابارلاۋىنشا، وق-ءدارىنىڭ تابىلۋ جاعدايى ونى جوسپارلى تۇردە زالالسىزداندىرۋعا مۇمكىندىك بەرگەندىكتەن، شۇعىل ەۆاكۋاتسيا جۇرگىزۋ قاجەتتىلىگى تۋىنداماعان.
ايتا كەتەيىك، جۋىردا گەرمانيانىڭ گەسسەن جەرىنىڭ وڭتۇستىگىندەگى ترەبۋر قالاسىندا جاياۋ جۇرگىنشى رەين وزەنىنىڭ جاعاسىنان ەكىنشى دۇنيەجۇزىلىك سوعىس كەزەڭىنەن قالعان فوسفورلى گراناتتى تاۋىپ العان ەدى.
