23 تامىز كۇنى قازاقستاندا قۇرىلتاي دەپۋتاتتارىنىڭ سايلاۋى وتەدى. وسى ماڭىزدى ساياسي ناۋقان كۇنى تۇركىستان وبلىسىنىڭ بىرقاتار قالا-اۋداندارىندا تۇرعىنداردىڭ سايلاۋ ۋچاسكەلەرىنە ەركىن ءارى كەدەرگىسىز جەتۋىنە جاعداي جاساۋ ماقساتىندا قوعامدىق كولىك قىزمەتى تەگىن ۇيىمداستىرىلادى.
اتاپ ايتقاندا، سايلاۋ كۇنى تۇركىستان مەن ارىس قالاسىندا جانە قازىعۇرت اۋدانىندا قوعامدىق كولىكتەر جولاۋشىلاردى تەگىن تاسىمالدايدى. بۇل شارا تۇرعىنداردىڭ داۋىس بەرۋ ۋچاسكەلەرىنە قاتىناۋىن جەڭىلدەتىپ، ازاماتتاردىڭ ءوز تاڭداۋىن جاساۋىنا قولايلى جاعداي قالىپتاستىرۋعا باعىتتالعان.
تۇركىستان وبلىسى بويىنشا 1 204 659 داۋىس بەرۋشى تىركەلگەن. قۇرىلتاي كۇنى ازاماتتاردىڭ داۋىس بەرۋى ءۇشىن وبلىس اۋماعىندا 952 سايلاۋ ۋچاسكەسى جۇمىس ىستەيتىن بولادى. سايلاۋ كۇنى قوعامدىق كولىكتىڭ تەگىن قاتىناۋى، ەڭ الدىمەن، تۇرعىنداردىڭ ۋاقىتىن ۇنەمدەپ، شالعاي ورنالاسقان سايلاۋ ۋچاسكەلەرىنە جەتۋ مۇمكىندىگىن ارتتىرادى. اسىرەسە قوعامدىق كولىككە تاۋەلدى ازاماتتار ءۇشىن بۇل ماڭىزدى قولداۋ بولماق.
