الماتى وبلىسىنىڭ تاۋلارىنان تابىلعان ادام سۇيەكتەرىنىڭ كىمگە تيەسىلى ەكەنى انىقتالدى، دەپ حابارلايدى “ادىرنا” ءتىلشىسى.
بۇل تۋرالى مارقۇمنىڭ قىزى نەلليا ميحەەۆا الەۋمەتتىك جەلىدەگى پاراقشاسىندا حابارلادى.
ونىڭ ايتۋىنشا، تابىلعان سۇيەكتەر 2007 جىلى تاۋعا شىعىپ، سودان بەرى حابار-وشارسىز كەتكەن اكەسىنە تيەسىلى. نەلليا ميحەەۆا سۇيەكتەردىڭ تابىلعانىن 19 جىلدان كەيىن ەستىگەن.
ايەلدىڭ سوزىنشە، بەلارۋستەن كەلگەن تۋريستەر تاۋدان ادام سۇيەكتەرى مەن ريۋكزاك تاپقان. بۇل تۋرالى اقپاراتتى ونىڭ قۇربىسى جىبەرگەن. نەلليا ميحەەۆا ريۋكزاكتى بىردەن اكەسىنىكى دەپ تانىعان.
كەيىن قۇتقارۋشىلار مەن پوليتسيا قىزمەتكەرلەرى وتباسىمەن بايلانىسقا شىققان. تەرگەۋشىلەرگە قاجەتتى قۇجاتتار مەن اكەسىنىڭ تاۋدا جۇرگەن كەزدەگى فوتوسۋرەتتەرى ۇسىنىلعان. تەكسەرۋ بارىسىندا ريۋكزاكتىڭ ىشىنەن مارقۇمنىڭ جەكە كۋالىگى دە تابىلعان.
بۇعان دەيىن بەلارۋستەن كەلگەن تۋريستەر الماتى وبلىسىنىڭ تاۋلارىندا ادام ءمايىتىنىڭ قالدىقتارىن تاپقان بولاتىن. تۋريستەر بۇل تۋرالى قۇتقارۋ قىزمەتىنە حابارلاعان.
وقيعا ورنىنا تجم «قازاۋەقۇتقارۋ» اۋە كەمەسىمەن «بارىس» رەسپۋبليكالىق جەدەل-قۇتقارۋ جاساعىنىڭ ماماندارى مەن اپاتتار مەديتسيناسى ورتالىعىنىڭ قىزمەتكەرلەرى جىبەرىلگەن.
قازىر وقيعاعا قاتىستى ءتيىستى جۇمىستار جۇرگىزىلۋدە.
