اشحابادتا راپيد جانە بليتس بويىنشا بالالار اراسىنداعى حالىقارالىق Kids EXPO Chess Cup 2026 شاحمات ءتۋرنيرى اياقتالدى، دەپ حابارلايدى "ادىرنا" ۇلتتىق پورتالى.
جارىس 19-20 تامىز كۇندەرى تۇرىكمەنستانداعى «Kids EXPO: ءبارى بالالار ءۇشىن» حالىقارالىق كورمە-جارمەڭكەسى اياسىندا ءوتتى. تۋرنيرگە 8, 10 جانە 12 جاسقا دەيىنگى ۇلدار مەن قىزدار قاتىستى. قازاقستان قۇراماسى ساپىندا ەڭ ۇزدىك ناتيجەنى زاكاريا اميروۆ كورسەتتى. 8 جاسقا دەيىنگى بالالار اراسىندا سىنعا تۇسكەن قازاقستاندىق شاحماتشى راپيد بويىنشا جەتى مۇمكىن ۇپايدىڭ التاۋىن جيناپ، جارىس جەڭىمپازى اتاندى. ال كۇمىسباي اقنيەت قولانى قانجىعالادى.
سونداي-اق زاكاريا اميروۆ مەن اقنيەت كۇمىسباي بليتس سايىسىندا ءۇشىنشى ورىن الىپ، قولا جۇلدەگە يە بولدى.
قازاقستاندىق جاس شاحماتشىلار اشحابادتاعى حالىقارالىق ءتۋرنيردى ءبىر التىن جانە ءۇش قولا مەدالمەن قورىتىندىلادى.
