يران وڭتۇستىك باعىتتارداعى تاسىمالدىڭ تۇراقسىزدىعىنا جانە ورمۇز بۇعازى توڭىرەگىندەگى بەلگىسىزدىككە بايلانىستى سىرتقى ساۋدانى ەلدىڭ سولتۇستىگى مەن كاسپي تەڭىزى ارقىلى دامىتۋ مۇمكىندىگىن قاراستىرىپ جاتىر، دەپ حابارلايدى "ادىرنا".
Fars اگەنتتىگىنىڭ مالىمەتىنشە، ساراپشىلار بۇل باعىتتى «كاسپي ەكسپرەسى» دەپ اتاپ وتىر. ول يراننىڭ سولتۇستىك پورتتارى ارقىلى رەسەيمەن جانە ودان ءارى ەۋرازيانىڭ كولىك جەلىسىمەن بايلانىسىن قامتاماسىز ەتۋى مۇمكىن. كاسپي تەڭىزى رەسەي مەن قازاقستاننان يرانعا استىق، اۋىل شارۋاشىلىعى ونىمدەرى، اعاش جانە شيكىزات جەتكىزۋ ءۇشىن پايدالانىلۋى ىقتيمال. ال يران بۇل باعىت ارقىلى اۋىل شارۋاشىلىعى، ونەركاسىپ جانە قۇرىلىس ونىمدەرىن ەكسپورتتاۋدى جوسپارلاپ وتىر.
زەرتتەۋدە كاسپي تەڭىزىنىڭ يران ءۇشىن ماڭىزى تەك اۋماقتىق ماسەلەلەرمەن شەكتەلمەيتىنى اتاپ وتىلگەن. نەگىزگى ماسەلە – ساۋدا، ترانزيت جانە ەكونوميكالىق مۇمكىندىكتەردەن تۇسەتىن پايدانى ارتتىرۋ.
سونداي-اق يران پرەزيدەنتى ماسۋد پەزەشكيان ازەربايجانمەن قارىم-قاتىناستى جاڭا دەڭگەيگە كوتەرۋ ءۇشىن جاعداي جاساۋ قاجەتتىگىن ايتقان. تەگەران كاسپي ماڭىنداعى تۇرىكمەنستانمەن دە ىنتىماقتاستىقتىڭ جاڭا باعىتتارىن قاراستىرىپ وتىر.
