Orda.kz سايتى 1 قىركۇيەكتەن باستاپ جۇمىسىن توقتاتادى. بۇل تۋرالى Orda.kz سايتىنىڭ نەگىزىن قالاۋشى ماقسات عانيەۆ حابارلادى، دەپ جازادى "ادىرنا".
ايتۋىنشا، التى جىلدىق ينۆەستيتسيادان كەيىن جوبا ءالى دە شىعىنعا ۇشىراعان. جارنامادان تۇسكەن كىرىس شىعىنداردى ارەڭ جاپقان.
“Orda.kz ءادىل، ءارتۇرلى «سۇر اقشا» سحەمالارى مەن «تەرىس بلوكتارسىز»، جارناما كەلىسىمشارتتارى ارقىلى تابىس تابا الادى. بىراق ول ارەڭ شىعىندى جاپپاق. ۇزاق مەرزىمدى ينۆەستيتسيالاردى قايتارا المايدى. مەن باق-تى ساياسي ويىندار، جالعان جاڭالىقتار نەمەسە بوپسالاۋ ءۇشىن پايدالانعىم كەلمەيدى. بۇل مەنىڭ جەكە ماقساتتارىما سايكەس كەلمەيدى”، – دەدى ماقسات عانيەۆ.
سونداي-اق ول قابىلدانعان شەشىمنىڭ ەشقانداي استارى جوق ەكەنىن اتاپ وتكەن. «رەداكتسيا تاباتىن قاراجات ونىڭ جۇمىسىن قامتاماسىز ەتۋگە جەتپەيدى. قازىرگى جاعدايعا الىپ كەلگەن باسقا سەبەپ جوق»، – دەلىنگەن عانيەۆتىڭ مالىمدەمەسىندە.
ەسكە سالا كەتەيىك، بۇعان دەيىن «وردا» سايتىنىڭ بۇرىنعى باس رەداكتورى گۇلنار باجكەنوۆا 8 جىلعا سوتتالعان ەدى. الايدا بالاسىنىڭ بولۋىنا بايلانىستى جازاسى 2 جىلعا كەيىنگە قالدىرىلدى. سونىمەن قاتار وعان 5 جىل بويى جۋرناليستيكا، بلوگ جۇرگىزۋ، بۇقارالىق اقپارات قۇرالدارى، جاريا ءىس-شارالار جانە وزگە دە قوعامدىق قىزمەتپەن اينالىسۋعا تىيىم سالىندى.
