Orda.kz saity 1 qyrküiekten bastap jūmysyn toqtatady. Būl turaly Orda.kz saitynyŋ negızın qalauşy Maqsat Ǧaniev habarlady, dep jazady "Adyrna".
Aituynşa, alty jyldyq investisiiadan keiın joba älı de şyǧynǧa ūşyraǧan. Jarnamadan tüsken kırıs şyǧyndardy äreŋ japqan.
“Orda.kz ädıl, ärtürlı «sūr aqşa» shemalary men «terıs bloktarsyz», jarnama kelısımşarttary arqyly tabys taba alady. Bıraq ol äreŋ şyǧyndy jappaq. Ūzaq merzımdı investisiialardy qaitara almaidy. Men BAQ-ty saiasi oiyndar, jalǧan jaŋalyqtar nemese bopsalau üşın paidalanǧym kelmeidı. Būl menıŋ jeke maqsattaryma säikes kelmeidı”, – dedı Maqsat Ǧaniev.
Sondai-aq ol qabyldanǧan şeşımnıŋ eşqandai astary joq ekenın atap ötken. «Redaksiia tabatyn qarajat onyŋ jūmysyn qamtamasyz etuge jetpeidı. Qazırgı jaǧdaiǧa alyp kelgen basqa sebep joq», – delıngen Ǧanievtıŋ mälımdemesınde.
Eske sala keteiık, būǧan deiın «Orda» saitynyŋ būrynǧy bas redaktory Gülnär Bajkenova 8 jylǧa sottalǧan edı. Alaida balasynyŋ boluyna bailanysty jazasy 2 jylǧa keiınge qaldyryldy. Sonymen qatar oǧan 5 jyl boiy jurnalistika, blog jürgızu, būqaralyq aqparat qūraldary, jariia ıs-şaralar jäne özge de qoǧamdyq qyzmetpen ainalysuǧa tyiym salyndy.
