اتاتۇرىكتىڭ قارىنداسى ماكبۋلە اتاداننىڭ ءومىرى تۋرالى دەرەكتى رومان العاش رەت قازاق تىلىندە جارىق كوردى.
2026 جىلعى 5-6 قىركۇيەكتە الماتى قالاسىندا تۇرىك جازۋشىسى نۇكەت اشكىننىڭ «ماكبۋلە حانىم. اتاتۇرىكتىڭ قارىنداسى تۋرالى ايتىلماعان əڭگىمە» اتتى دەرەكتى رومانىنىڭ قازاق تىلىندەگى نۇسقاسىنىڭ تۇساۋكەسەرى مەن وقىرماندارمەن كەزدەسۋى وتەدى. ەكى كۇنگە جوسپارلانعان كەزدەسۋلەر ءۇش جەردە – ETHNO POP-UP STORE: SABANTOI, Meloman دۇكەنى جəنە «مىڭ كىتاپ» əدەبيەت ۇيىندە وتەدى.
كىتاپتى قازاق تىلىنە اۋدارىپ، جارىققا شىعارعان – Steppe & World Publishing باسپا ءۇيى. ەڭبەكتىڭ قازاق تىلىندە جارىق كورۋىنە دينارا سۇلتان حانىم مەن Sadu Group دەمەۋشىلىك كورسەتتى.
5 قىركۇيەك الماتى قالاسىنداعى ETHNO POP-UP STORE: SABANTOI الاڭىندا كىتاپتىڭ تانىستىرىلىمى وتەدى. 13:45-14:15 ارالىعىندا نۇكەت اشكىن «ماكبۋلە حانىم. اتاتۇرىكتىڭ قارىنداسى تۋرالى ايتىلماعان əڭگىمە» كىتابىن تانىستىرىپ، وقىرماندارعا ەڭبەكتىڭ جازىلۋ تاريحى مەن مازمۇنى تۋرالى ايتادى. كەزدەسۋ سوڭىندا وقىرماندار اۆتوردان قولتاڭبا الادى.
6 قىركۇيەك 15:00-دە Meloman دۇكەنىندە كىتاپتىڭ قازاق تىلىندەگى باسىلىمىنىڭ تانىستىرىلىمى جالعاسادى. كەزدەسۋ بارىسىندا نۇكەت اشكىن ماكبۋلە اتاداننىڭ ءومىرى مەن تاعدىرىنا قاتىستى زەرتتەۋلەرى تۋرالى əڭگىمەلەپ، كىتاپتىڭ نەگىزگى مازمۇنى مەن تاريحي دەرەكتەرى جونىندە وقىرمانداردىڭ سۇراقتارىنا جاۋاپ بەرەدى.
6 قىركۇيەك 18:00-دە «مىڭ كىتاپ» əدەبيەت ۇيىندە نۇكەت اشكىننىڭ وقىرماندارمەن ەركىن فورماتتاعى كەزدەسۋى وتەدى. كەش بارىسىندا اۆتور شىعارماشىلىق جولى، ماكبۋلە اتاداننىڭ ءومىرىن زەرتتەۋگە نە تۇرتكى بولعانى جəنە كىتاپتىڭ جازىلۋ بارىسى تۋرالى əڭگىمەلەيدى. كەزدەسۋ شاي ۇستىندە جالعاسىپ، وقىرماندارعا اۆتورمەن ەركىن پىكىر الماسىپ، سۇراقتارىن قويۋعا مۇمكىندىك بەرىلەدى.
تۇركيا رەسپۋبليكاسىنىڭ كوسەمى مۇستافا كەمال اتاتۇرىك تۋرالى سان الۋان زەرتتەۋ ەڭبەكتەر جازىلىپ، ونىڭ ساياسي قىزمەتى مەن مەملەكەت تاريحىنداعى ورنى جان-جاقتى زەردەلەندى. الايدا تۇركيا رەسپۋبليكاسىنىڭ نەگىزىن قالاعان تۇلعانىڭ جانىندا بولعان، ەرەكشە جاقىن تارتقان قارىنداسى ماكبۋلە اتاداننىڭ ءومىرى جايلى وسى ۋاقىتقا دەيىن كوپ ايتىلمادى. نۇكەت اشكىن - ماكبۋلە اتادان تۋرالى كىتاپ جازعان تۇڭعىش اۆتور.
دەرەكتى روماندا ماكبۋلە حانىمنىڭ بالالىق شاعىنان باستاپ عۇمىرىنىڭ سوڭعى كەزەڭىنە دەيىنگى ءومىر جولى تاريحي دەرەكتەرگە سۇيەنە وتىرىپ باياندالادى. وتباسى ەستەلىكتەرى، ارحيۆ ماتەريالدارى مەن ومىرباياندىق دەرەكتەر ارقىلى ونىڭ مىنەزى، دۇنيەتانىمى، باۋىرلارىمەن اراداعى قارىم-قاتىناسى جəنە مۇستافا كەمالمەن بايلانىسى اشىلادى. اۆتور كوپشىلىككە تانىس مۇستافا كەمال اتاتۇرىك بەينەسىنىڭ ارعى جاعىنداعى اعا، باۋىر، وتباسىنىڭ قورعانى رەتىندەگى بولمىسىن دا نازاردان تىس قالدىرمايدى.
ماكبۋلە اتاداننىڭ تاعدىرى - ءبىر əۋلەت تاريحى ەمەس، وسمان يمپەرياسىنىڭ سوڭعى كەزەڭى مەن تۇركيا رەسپۋبليكاسىنىڭ قۇرىلۋ ءدəۋىرىن باستان وتكەرگەن əيەلدىڭ ءومىر جولى. كىتاپ سول كەزەڭدەگى قوعامدىق وزگەرىستەردى ماكبۋلە حانىمنىڭ ومىرىمەن ساباقتاستىرىپ، تاريحتا اتى اتالعانىمەن، ءومىرى تەرەڭ زەرتتەلە قويماعان əيەلدىڭ بەينەسىن قايتا جاڭعىرتادى. وسى تۇرعىدان العاندا، شىعارما اتاتۇرىك تۋرالى قالىپتاسقان تاريحي پايىمداردى تولىقتىرىپ، ونىڭ ومىرىنە وتباسى تۇسىنان ۇڭىلۋگە مۇمكىندىك بەرەدى.
نۇكەت اشكىن – تۇرىك ءجۋرناليسى ءəرى جازۋشى. Hürriyet, Sabah گازەتتەرىندە Kanal 6 تەلەارناسىندا پرەمەر-مينيستر، مەملەكەت باسشىسى، پارلامەنت ءتىلشىسى، ەۋروپا باسىلىمدارىنا جاۋاپتى مامان، جاڭالىقتار كوورديناتورى بولىپ ۇزاق جىل ەڭبەك ەتكەن. كوپتەگەن جاڭالىق ماتەريالدارىن، زەرتتەۋ ماقالالارىن جازعان. وقۋ-اعارتۋ مينيسترلىگىندە، سىرتقى ىستەر مينيسترلىگىندە، پرەمەر-مينيستر كابينەتىندە جəنە تۇركيا ۇلتتىق ءمəجىلىسى توراعالىعىندا جوعارى لاۋازىمدى قىزمەتتەر اتقارعان.
نۇكەت اشكىن شىعارمالارىندا تۇركيا تاريحىنداعى ماڭىزدى كەزەڭدەر مەن اتاتۇرىك دəۋىرىنە قاتىستى تاقىرىپتارعا دەن قويادى.
ونىڭ «Son Devrim»، «Kelimelerde Saklı Feryatlarla 10 Kasım ’38»، «Büyük Atatürk’ün Çocukluğu» جəنە «Yazı» اتتى كىتاپتارى جارىق كورگەن. «Büyük Atatürk’ün Çocukluğu» شىعارماسى ماكبۋلە حانىمنىڭ ەستەلىكتەرىنە سۇيەنىپ، اتاتۇرىكتىڭ بالالىق شاعىن باياندايدى. ال «ماكبۋلە حانىم. اتاتۇرىكتىڭ قارىنداسى تۋرالى ايتىلماعان əڭگىمە» كىتابىندا جازۋشى ماكبۋلە اتاداننىڭ ءومىرىن دەرەكتى ماتەريالدار نەگىزىندە جازعان.
2011 جىلى نۇكەت اشكىننىڭ مۇمكىندىگى شەكتەۋلى جانداردى جۇمىسپەن قامتۋعا باعىتتالعان «Ben de varım!» جوباسى «مەملەكەتتىك سالاداعى ەڭ ۇزدىك əلەۋمەتتىك جاۋاپكەرشىلىگى بار جوبا» دەپ تانىلىپ، «Altın Pusula» سىيلىعى بەرىلگەن.
