يران اسكەرى يوردانيا اۋماعىنا سوققى جاساپ، ءوز مالىمدەمەسىندە اقش اسكەري بازالارى نىساناعا الىنعانىن ايتتى. بۇل تۋرالى ربك جازدى، دەپ حابارلايدى «ادىرنا» ءتىلشىسى.
يوردانيانىڭ اۋە قورعانىسى جۇيەلەرى شابۋىلدى تويتارۋعا ارەكەت ەتكەن.
الدىمەن Al Hadath ارناسى X الەۋمەتتىك جەلىسىندە ەلدىڭ اۋە قورعانىس كۇشتەرى ءال-ازراك قالاسى ۇستىندە ۇشقان يراندىق زىمىرانداردى قاعىپ ءتۇسىرىپ جاتقانىن حابارلاعان. كەيىن Al Jazeera يربيد قالاسى ماڭىندا دا زىمىرانداردىڭ اتىپ تۇسىرىلگەنىن مالىمدەگەن.
ايتا كەتەيىك، وقيعا اقش اسكەري كەمەسىنە جاسالعان زىمىراندىق شابۋىل ارەكەتىنە جاۋاپ رەتىندە 8 قىركۇيەكتە ورمۇز بۇعازىنداعى حارگ ارالىنىڭ ماڭىندا اقش-تىڭ يراننىڭ بىرنەشە تانكەرىنە سوققى بەرۋىنەن كەيىن بولعان.
سونىمەن قاتار يراننىڭ يسلام رەۆوليۋتسياسى ساقشىلارى كورپۋسى اقش-تىڭ شابۋىلىنا جاۋاپ رەتىندە كۋۆەيت پەن باحرەيندەگى تەرمينالدار ماڭىنداعى تانكەرلەرگە سوققى بەرۋ قاۋپىن ەسكەرتكەن.
