تانىمال فرانتسۋز تاريحشىسى ماري فاۆەرونىڭ «التىن وردا» اتتى ەڭبەگى قازاق تىلىندە جارىق كوردى، دەپ حابارلايدى “ادىرنا”.
ۆيتسە-پرەزيدەنت ەرلان قارين اۆتوردىڭ وزىمەن كەزدەسىپ، التىن وردا تاريحى تۋرالى پىكىر الماسقانىن مالىمدەدى.
ء«بىز – التىن وردانىڭ تىكەلەي مۇراگەرلەرىنىڭ ءبىرىمىز. سوندىقتان بۇل تاقىرىپ ءبىز ءۇشىن ماڭىزدى»، – دەپ جازدى ەرلان قارين الەۋمەتتىك جەلىدەگى پاراقشاسىندا.
التىن وردانى زەرتتەۋشى ماري فاۆەرو:
"بۇل ەڭبەك ءۇشىن ءومىرىمنىڭ 20 جىلىن ارنادىم. ستۋدەنتتىك جىلدارى كوكەيدە ءبۇر جارعان التىن ورداعا دەگەن قىزىعۋشىلىق كەيىن ۇلكەن عىلىمي مۇراتقا اينالدى. مەن كوشپەلىلەر يمپەرياسىنىڭ فەنومەنىن تار شەڭبەردە قالدىرماي، كەڭىنەن كورسەتۋگە ۇمتىلدىم. دالا وركەنيەتىنىڭ سان قىرىن تانىتۋ جولىندا جەر شارىن شارلاپ، مىنە قازاقستانعا دا تابان تىرەدىم. بۇل كىتاپ تەك وتكەننىڭ جاڭعىرىعى ەمەس، فرانتسيا مەن قازاق ەلى اراسىنداعى رۋحاني جانە عىلىمي التىن كوپىردى بەكەمدەي تۇسەتىن ماڭىزدى قادام", - دەدى.
مادەنيەت جانە اقپارات مينيسترلىگىنىڭ مالىمەتىنشە، الماتى قالاسىندا كىتاپتىڭ قازاق تىلىندەگى باسىلىمى قازاقستان رەسپۋبليكاسىنىڭ ۇلتتىق كىتاپحاناسىندا تانىستىرىلدى.
ماري فاۆەرونىڭ ەڭبەگىندە التىن وردانىڭ تاريحى، ونىڭ ەۋرازيا كەڭىستىگىندەگى ورنى جانە ورتالىق ازياداعى ساياسي ءارى مادەني ۇدەرىستەرگە ىقپالى باياندالادى.
سونىمەن قاتار ۇلتتىق كىتاپحانا مەن الماتىداعى فرانتسۋز اليانسى مادەني ىنتىماقتاستىق تۋرالى كەلىسىمگە قول قويدى. قۇجات اياسىندا تاراپتار بىرلەسكەن مادەني-اعارتۋشىلىق جوبالار مەن ادەبي باستامالاردى جۇزەگە اسىرىپ، ءتۇرلى ءىس-شارالار وتكىزۋدى جوسپارلاپ وتىر.
