Tanymal fransuz tarihşysy Mari Faveronyŋ «Altyn Orda» atty eŋbegı qazaq tılınde jaryq kördı, dep habarlaidy “Adyrna”.
Vise-prezident Erlan Qarin avtordyŋ özımen kezdesıp, Altyn Orda tarihy turaly pıkır almasqanyn mälımdedı.
«Bız – Altyn Ordanyŋ tıkelei mūragerlerınıŋ bırımız. Sondyqtan būl taqyryp bız üşın maŋyzdy», – dep jazdy Erlan Qarin äleumettık jelıdegı paraqşasynda.
Altyn Ordany zertteuşı Mari Favero:
"Būl eŋbek üşın ömırımnıŋ 20 jylyn arnadym. Studenttık jyldary kökeide bür jarǧan Altyn Ordaǧa degen qyzyǧuşylyq keiın ülken ǧylymi mūratqa ainaldy. Men Köşpelıler imperiiasynyŋ fenomenın tar şeŋberde qaldyrmai, keŋınen körsetuge ūmtyldym. Dala örkenietınıŋ san qyryn tanytu jolynda jer şaryn şarlap, mıne Qazaqstanǧa da taban tıredım. Būl kıtap tek ötkennıŋ jaŋǧyryǧy emes, Fransiia men Qazaq elı arasyndaǧy ruhani jäne ǧylymi altyn köpırdı bekemdei tüsetın maŋyzdy qadam", - dedı.
Mädeniet jäne aqparat ministrlıgınıŋ mälımetınşe, Almaty qalasynda kıtaptyŋ qazaq tılındegı basylymy Qazaqstan Respublikasynyŋ Ūlttyq kıtaphanasynda tanystyryldy.
Mari Faveronyŋ eŋbegınde Altyn Ordanyŋ tarihy, onyŋ Euraziia keŋıstıgındegı orny jäne Ortalyq Aziiadaǧy saiasi ärı mädeni üderısterge yqpaly baiandalady.
Sonymen qatar Ūlttyq kıtaphana men Almatydaǧy Fransuz aliansy mädeni yntymaqtastyq turaly kelısımge qol qoidy. Qūjat aiasynda taraptar bırlesken mädeni-aǧartuşylyq jobalar men ädebi bastamalardy jüzege asyryp, türlı ıs-şaralar ötkızudı josparlap otyr.
