Almatyda alty eldıŋ ǧalymdary ǧylymi konsorsium qūru turaly kelısımge qol qoidy, dep habarlaidy “Adyrna” tılşısı 24KZ-ke sıltep.
Kelısımge säikes, Qazaqstan, Türkiia, Özbekstan, Qyrǧyzstan, Äzerbaijan jäne Moŋǧoliia ǧalymdary bırlesken arheologiialyq ekspedisiialar ūiymdastyryp, Altyn Orda men Joşy ūlysynyŋ tarihyn, qoljazbalaryn zertteidı jäne ǧylymi eŋbekter daiyndaidy.
Sondai-aq osy taqyrypqa qatysty tarihi materialdardy sifrlandyru jäne bıryŋǧai tızılımge jinaqtau josparlanyp otyr. Ǧylymi yntymaqtastyq bes jylǧa eseptelgen.
Qazaqstan Ūlttyq ǧylym akademiiasynyŋ prezidentı Aqylbek Kürışbaevtyŋ aituynşa, tarihi derekterdı sifrlyq formatta bırıktıru maŋyzdy. Osy maqsatta qazaqstandyq mamandar Qytai ǧalymdarymen kelıssöz jürgızıp jatyr. Tarihi materialdardy jüieleu üşın Fudan universitetınde äzırlengen sifrlyq moduldı paidalanu mümkındıgı qarastyryluda. Sonymen qatar Garvard universitetınıŋ platformasy da balama nūsqa retınde ūsynylǧan.
