Prezident Qasym-Jomart Toqaev käsıpkerlıktı jan-jaqty qoldau üşın tiımdı täsılderdı ūsynǧan bolatyn. Atap aitqanda, granttar, şaǧyn jäne jeŋıldetılgen nesieler berılude, dep jazdy "Adyrna" tılşısı.
Memleket basşysynyŋ bastamasynyŋ aiasynda, Almaty qalasynda qarqyndy jūmystar atqarylyp, jeke käsıp bastaimyn degen jūrtqa daŋǧyl jol aşylyp jatyr. Oǧan dälel, 1600-ge juyq almatylyqtyŋ qaitarymsyz grant alyp, öz käsıbın bastauy.
Memleketten qoldau tauyp, jeke ıst bastaǧandardyŋ bırı, almatylyq 29 jastaǧy Dinara Aŋsatbaeva - 4 balanyŋ anasy. Eŋ ülkenı 5 jasta bolsa, eŋ kışısı bır jarymda. 6 jyldan berı bala kütımıne bailanysty üide otyrǧan ol tıgıngışı mamandyǧyn bıtırgen. Bıraq süiıktı ısımen bar bolǧany bır jyl ǧana ainalysypty. Degenmen üidegı tırlıkten qoly qalt ete qalsa, bos uaqytyn osy ıske arnaidy. Al qaitarymsyz grant käsıptı döŋgeletıp äketuge zor mümkındık bergen. Ol qūjat tapsyrǧan soŋ, bar bolǧany 2 aptanyŋ ışınde qarajat qaltasyna tüskenın aitady. Köpten berı armandap jürgen jaŋa tıgın maşinalaryn satyp aldy.
«Men oǧan keste tıgetın maşinany aldym. Sosyn kerektı qūral-jabdyqtar satyp aldym. Maşinanyŋ arnaiy baǧdarlamasyn oqydym. Ol kez kelgen sözdı kez kelgen zatqa tıgıp beredı», – dedı köpbalaly ana Dinara Aŋsatbaeva.Öz ısıne ūqypty kelınşektıŋ bügınde tūraqty klientterı de bar. Köpbalaly ana tūtynuşylardyŋ senımın aqtaǧany üşın jiı tapsyrys tüsetının aitady. Öitkenı ol tıgınnıŋ tür-türın bıledı. Jalpy Jetısu audanynda Dinara sekıldı biyl süiıktı ısın käsıpke ainaldyrǧan 101 adam bar. Olardyŋ basym bölıgı tättıler pısıretın şaǧyn konditerlık seh aşsa, bırazy atelenı ıske qosqan.
«Qyrküiek aiynda 72 adam alǧan. Olar ısterın bastap ketıp jatyr. Al qalǧany 30 şaqty adam. Olar jūmysyn jürgızıp jatyr. Ony da tekseretın, qandai da kömekter kerek bolatyn bolsa, jūmyspen qamtu ortalyǧy ainalysady», – dedı Jetısu audany äkımınıŋ orynbasary Daniiar Älkebaiūly.Qaitarymsyz grant alu mümkındıgıne elımızdegı käsıpkerlıktı damytu ūlttyq jobasy aiasynda qol jetıp otyr. Ol jastarǧa, köpbalaly analarǧa, az qamtylǧan, mügedek bala asyrap otyrǧan otbasylarǧa özderın tūraqty tabyspen qamtamasyz etu üşın kömek retınde berıledı. Qaitarymsyz grant kölemı - 400 ailyq eseptık körsetkış, iaǧni 1 mln 225 myŋ teŋge. Kapitaldy jaŋa biznestı bastauǧa nemese bar käsıptı damytuǧa jūmsauǧa bolady. Grant qarajaty nesie öteuge, jer telımın satyp aluǧa berılmeidı. Aita keteiık, Almatyda biyl 1600-ge juyq adam qaitarymsyz grant alyp, öz käsıbın bastady. Al bügınnen bastap «Biznes bastau» baǧdarlamasy arqyly bılımın jetıldıruge 4700-den asa adam ynta bıldırdı.
Ūqsas jaŋalyqtar
