Qauıpsızdık maqsatynda BŪŪ-nyŋ 100-ge juyq qyzmetkerı Kabuldan Almatyǧa qaşyqtan jūmys ısteuge auystyrylady. Eger jaǧdai tūraqtalsa, olar Auǧanstanǧa oralady. Būl turaly 18 tamyz, särsenbıde BŪŪ Bas hatşysynyŋ resmi ökılı Stefan Diujarrik brifingte aitty, - dep habarlaidy “Adyrna” ūlttyq portaly Tengrinews.kz saityna sılteme jasap.
"Bırıkken Ūlttar Ūiymy qyzmetkerlerınıŋ bır toby bügın Kabuldan Qazaqstanǧa, Almatyǧa ketıp jatyr. Olar jūmysyn qaşyqtan jalǧastyrady", - dep habarlady Diujarriktıŋ sözın RİA Novosti.Onyŋ aituynşa, Auǧanstandaǧy BŪŪ-nyŋ 100-ge juyq qyzmetkerı Almatyda jūmys ısteidı dep josparlanǧan, olar jaǧdai tūraqtalǧan kezde oralady. Būl arada Qazaqstannyŋ Syrtqy ıster ministrlıgı mälımetınşe, Auǧanstandaǧy ışkı saiasi ahualdyŋ uşyǧuyna bailanysty BŪŪ Qazaqstannan Auǧanstanǧa kömek körsetu missiiasyn (UNAMA) jäne Almatydaǧy BŪŪ-nyŋ basqa da agenttıkterın uaqytşa köşırudı sūraǧan.
"Qazaqstan men BŪŪ-nyŋ jan-jaqty özara ıs-qimyly ruhy şeŋberınde jäne osy ūiymnyŋ tolyq qūqyqty müşesı retındegı mındettemelerı aiasynda Prezident Qasym-Jomart Toqaev BŪŪ ötınışın qoldau turaly şeşım qabyldady", - delıngen habarlamada.18 tamyzda UNAMA qyzmetkerlerı bar alǧaşqy bort Almaty äuejaiyna qondy. SIM Almaty Äkımdıgı, qūzyrettı vedomstvolar jäne qyzmettermen bırlesıp, olardy ornalastyru boiynşa jedel türde qajettı şaralardy qabyldap jatyr. Kelgen qyzmetkerler halyqaralyq diplomat, BŪŪ pasporty men immunitetı iegerı. Almatyda UNAMA jäne basqa da BŪŪ agenttıkterınıŋ keŋselerın ornalastyru jäne olardyŋ odan ärı qyzmet etuı uaqytşa, iaǧni Auǧanstandaǧy jaǧdai tūraqtalǧanǧa deiın, şamamen jarty jylǧa sozylady dep kütıledı. Qyzmetkerlerdıŋ tūruy, keŋse men üi-jailaryn jalǧa aluy jäne t.b. barlyq şyǧysty tolyǧymen BŪŪ-nyŋ biudjetınen qarjylandyrylady.
Ūqsas jaŋalyqtar
