Özbekstannyŋ «Millii tiklaniş» (Ūlttyq jaŋǧyru) partiiasynyŋ jetekşısı Alişer Qadyrov eldegı barlyq syrtqy jarnamalar men jazulardy memlekettık tılde, iaǧni özbek tılınde jazu qajettıgın mälımdedı. Būl turaly ol özınıŋ Telegram-arnasynda jazdy, dep habarlaidy “Adyrna” ūlttyq portaly.
«Taşkentten bastalǧan barlyq qaladaǧy syrtqy jarnamalar, habarlamalar men körsetkışter basqa tılderde, tıptı basqa alfavittermen jazylǧany köp jaǧdaida baiqalady. Būl — ülken mäsele», - dep atap öttı saiasatker.
Deputattyŋ aituynşa, jarnamalar men körsetkışter tek özbek tılınde boluy tiıs, al qajet bolǧan jaǧdaida olardy basqa tıldermen qosa jazuǧa bolady.
Ol «Millii tiklaniş» partiiasy «Syrtqy jazular turaly» zaŋ jobasy boiynşa jūmys bastaǧanyn aitty. Onyŋ pıkırınşe, özbek tılıne degen közqaras tübegeilı özgeruı kerek.
«Äsırese käsıpkerler men memlekettık organdar özbek tılın qūrmettep, zaŋdy saqtaudyŋ ülgısın körsetuı tiıs. Qoǧam da osy mäselede prinsiptı boluy qajet», — dedı Qadyrov.
Ūqsas jaŋalyqtar
