كوكشەتاۋ قالاسىندا 630 ورىنعا ارنالعان جاڭا كوپسالالى اۋرۋحانانىڭ قۇرىلىسى جالعاسۋدا.
نىساننىڭ قۇرىلىسى پرەزيدەنت قاسىم-جومارت توقاەۆتىڭ تاپسىرماسى بويىنشا جۇزەگە اسىرىلۋدا جانە اقمولا وبلىسى مەن بۇكىل سولتۇستىك ماكرووڭىر ءۇشىن ستراتەگيالىق ماڭىزى بار.
جوبا قابىلداۋ-دياگنوستيكالىق قىزمەتتەردى، شۇعىل مەديتسينالىق كومەكتى، حيرۋرگيالىق جانە تەراپيالىق بولىمشەلەردى، رەانيماتسيا جانە قارقىندى تەراپيا بولىمشەلەرىن، سونداي-اق قالپىنا كەلتىرۋ ەمى جانە وڭالتۋ قىزمەتتەرىن ءبىر كەڭىستىكتە بىرىكتىرەتىن بىرىڭعاي زاماناۋي مەديتسينالىق كەشەن رەتىندە ىسكە اسىرىلۋدا.
اۋماعى 111 مىڭ شارشى مەتردەن اساتىن نىسان سارىارقا شاعىن اۋدانىنداعى 17 گەكتار جەر تەلىمىندە سالىنىپ جاتىر.
بۇگىنگى تاڭدا اۋرۋحانانىڭ دايىندىعى 74%-دى قۇرايدى. الاڭدا 2300-دەن استام جۇمىسشىلار جانە 50-دەن استام تەحنيكا جۇمىس ىستەۋدە.
قۇرىلىستى 2027 جىلدىڭ ەكىنشى توقسانىندا اياقتاۋ جوسپارلانعان.
جاڭا اۋرۋحانا قولدانىستاعى وبلىستىق اۋرۋحانانىڭ ورنىن باسىپ، 28 كلينيكالىق بولىمشەنى بىرىكتىرەدى.
جاڭا اۋرۋحانانى پايدالانۋعا بەرۋ جەرگىلىكتى جەردە مامانداندىرىلعان جانە جوعارى تەحنولوگيالىق مەديتسينالىق كومەك كورسەتۋ مۇمكىندىكتەرىن ەداۋىر كەڭەيتۋگە، سونداي-اق پاتسيەنتتەردىڭ باسقا وڭىرلەرگە ءماجبۇرلى جولدامالارىن قىسقارتۋعا مۇمكىندىك بەرەدى.
قۇرىلىس جۇمىستارى قارقىندى ءجۇرىپ جاتىر. قادالاردى قاعۋ جۇمىستارى اياقتالدى. ءمونوليتتى قاڭقاسى دا دايىن. فاسادتار مەن تەرەزەلەردى مونتاجداۋ جۇمىستارى جارتىلاي ورىندالدى (50%-دان استام).
ىڭعايلى لوگيستيكا. ەندى مۇنداعى رەانيماتسيالىق بريگادالار كوكشەتاۋدىڭ كەز كەلگەن نۇكتەسىنە نەبارى 15-20 مينۋتتا جەتە الادى.
