تۇرمەدەگى تۇتقىندار وقۋشىلاردىڭ قارىزىن وتەۋگە اقشا جينادى

اقش-تىڭ كانزاس شتاتىندا جازاسىن وتەپ جاتقاندار وقۋشىلاردىڭ اسحاناداعى قارىزىن تولەۋگە اقشا جينادى، دەپ حابارلايدى “ادىرنا”. 

Norton Community Schools مەكتەپ وكرۋگىنىڭ وقۋ جىلى سوڭىنداعى قارىزى شامامەن 6 مىڭ دوللار بولعان. قارجىلىق قيىندىققا تاپ بولعان كەيبىر وتباسىلار بالالارىنىڭ تاڭعى جانە تۇسكى اس اقىسىن تولىق تولەي الماعان.

قايىرىمدىلىق شاراسىن Reaching Out From Within باعدارلاماسىنا قاتىسۋشى سوتتالعاندار ۇيىمداستىرعان. باعدارلاما جازاسىن وتەۋشىلەردىڭ مىنەز-قۇلقىن وزگەرتىپ، قوعامعا پايدالى ىستەر جاساۋىنا باعىتتالعان.

ولار 3810 دوللار جيناعان. بۇعان قوسا، مەكەمە قىزمەتكەرلەرى 457 دوللار قوسىپ، جالپى قايىرىمدىلىق كولەمى 4267 دوللارعا جەتكەن.

جينالعان قاراجات مەكتەپ وكرۋگىنە بەرىلدى. بۇل قارجى وقۋشىلاردىڭ تولىققاندى تاماقتانۋىن جالعاستىرۋعا جۇمسالادى.

مەكتەپ وكرۋگىنىڭ باسشىسى كوري روي بۇل باستاما تەك قارجىلاي كومەك ەمەس، سونىمەن قاتار سوتتالعاندارعا جاساعان يگى ىستەرىنىڭ ناتيجەسىن كورۋگە مۇمكىندىك بەرگەنىن اتاپ ءوتتى