قىلمىستىق ىستەر جونىندەگى اپەللياتسيالىق القاسى تەمىر اۋدانىندا مەكتەپ وقۋشىسىنىڭ ولىمىنە بايلانىستى رەزونانستى ءىستى قايتا قاراپ، ۇكىمدى وزگەرتتى، دەپ حابارلايدى "ادىرنا" ۇلتتىق پورتالى.
قايعىلى وقيعا 2024 جىلدىڭ قىركۇيەك ايىندا اقتوبە وبلىسى تەمىر اۋدانىنا قاراستى قوپا اۋىلىندا بولعان. تەرگەۋ دەرەكتەرىنە سايكەس، جوعارى سىنىپ وقۋشىلارى 9-سىنىپتا وقيتىن ءجاسوسپىرىمدى ۇرىپ-سوعىپ، سالدارىنان ول كوز جۇمعان.
بۇعان دەيىن ءبىرىنشى ساتىداعى سوت ءۇش نەگىزگى ايىپتالۋشىنى 6 جىل 8 ايعا، ال تاعى ءۇش ءجاسوسپىرىمدى 1 جىلعا باس بوستاندىعىنان ايىرعان ەدى.
الايدا اپەللياتسيالىق شاعىمدى قاراۋ بارىسىندا سوت القاسى سوتتالعانداردىڭ كامەلەتكە تولماعانىن، جاساعان ارەكەتتەرىنە وكىنىش بىلدىرگەنىن جانە تاراپتار اراسىندا مەدياتيۆتىك كەلىسىم جاسالعانىن ەسكەردى.
سوت قاۋلىسىندا ءىستىڭ جابىرلەنۋشى تاراپ پەن ونىڭ قورعاۋشىلارىنىڭ، سوتتالعاندار مەن ولاردىڭ ادۆوكاتتارىنىڭ وتىنىشتەرى نەگىزىندە قايتا قارالعانى كورسەتىلگەن.
ناتيجەسىندە جابىرلەنۋشى تاراپتىڭ جازانى جەڭىلدەتۋ جونىندەگى ۇستانىمى نازارعا الىنىپ، نەگىزگى ايىپتالۋشىلارعا قاتىستى ۇكىم وزگەرتىلدى. اپەللياتسيالىق سوت شەشىمىمەن سوتتالعاندارعا تاعايىندالعان جازا قر قىلمىستىق كودەكسىنىڭ 63-بابىنا سايكەس شارتتى جازا دەپ تانىلدى. ۇكىمنىڭ وزگە بولىگى وزگەرىسسىز قالدىرىلدى.
اپەللياتسيالىق قاۋلى زاڭدى كۇشىنە ەندى.
