اقمولا وبلىسىندا «فلامينگو فەست – 2026» شاراسى ۇيىمداستىرىلىپ، وڭىرگە الىس-جاقىن ايماقتان باق وكىلدەرى مەن تابيعات جاناشىرلارى قاتىستى.
اۋدان تۇرعىندارى مەن قوناقتارىنا ارنايى ۇيىمداستىرىلعان مەرەكەلىك شارادا ءان-بي، قولونەرشىلەردىڭ جارمەڭكەسى ءوتتى.
ودان بولەك، جيىلعان جۇرت قورعالجىن مەملەكەتتىك تابيعي قورىعىندا قوقيقازداردىڭ تىرشىلىگى مەن ولاردىڭ تابيعي ورتاداعى ەرەكشەلىكتەرىمەن تانىستى..
قورىق ماماندارىنىڭ ايتۋىنشا، قوقيقازدار جۇبىن بىرنەشە جىلعا نەمەسە ءومىر بويىنا تاڭداۋى مۇمكىن. قۇستاردىڭ نەگىزگى جاۋلارىنىڭ قاتارىندا شاعالالار بار.
قوقيقازدار بالاپاندارىن ارنايى توپقا بىرىكتىرىپ وسىرەدى. سونداي-اق ولاردىڭ قورەكتەنۋى مەن قاۋىرسىنىنىڭ ءتۇسى جەيتىن ازىعىنا بايلانىستى وزگەرەتىنى ايتىلدى.
تولىعىراق adyrna.kz ارناسىنا كورىڭىز!
ۇقساس جاڭالىقتار
