جەتىسۋ وبلىسىندا ءتورت جاسار بالا تەمىرجول جولدارىنىڭ ماڭىنداعى دالادا جالعىز قالعان. جۇك پويىزىنىڭ ءماشينيسى پويىز قوزعالىسى كەزىندە بالانى بايقاپ، قۇرامدى توقتاتقان. بۇل تۋرالى قتج ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
وقيعا 20 قىركۇيەكتە ساعات 12:30 شاماسىندا سارىوزەك – ۇشتوبە ۋچاسكەسىنىڭ تاۋاراسى – اينابۇلاق ارالىعىندا بولعان.
پويىز شامامەن 38 كم/ساع جىلدامدىقپەن قوزعالىپ كەلە جاتقان. ماشينيست بالانى بايقاپ، قىزمەتتىك تەجەۋ ارقىلى پويىزدى توقتاتقان. كەيىن ونى لوكوموتيۆ كابيناسىنا مىنگىزىپ، بولعان جاعداي تۋرالى پويىز ديسپەتچەرىنە حابارلاعان.
كەيىن بالا اينابۇلاق ستانتسياسىنىڭ كەزەكشىسىنە تاپسىرىلعان. ستانتسيا كەزەكشىسى بالانىڭ اتا-اناسىمەن بايلانىس ورناتىپ، بالانى ولارعا تابىستاعان.
ۇقساس جاڭالىقتار
