اباي وبلىسىنىڭ سەمەي قالاسىندا، سولتۇستىك شاعىناۋدانىنداعى سوسنوۆايا كوشەسىندە ءبىر قاباتتى كولىك جۋ عيماراتىنان ءورت شىقتى، دەپ حابارلايدى "ادىرنا".
قۇتقارۋشىلار كەلگەنگە دەيىن جارىلىس بولىپ، كەيىن ءورت جۇك كولىگىنە جانە ەكى جەكە تۇرعىن ۇيگە تاراعان. ءبىر ءۇي تولىقتاي، ەكىنشىسى ءىشىنارا زاقىمدانعان. قازىر ءورتتىڭ اۋماعى انىقتالىپ جاتىر.
اباي وبلىسى توتەنشە جاعدايلار دەپارتامەنتىنىڭ باستىعى ماناربەك شاپاعاتوۆتىڭ ايتۋىنشا، وقيعانىڭ شىعۋ سەبەبى ازىرگە بەلگىسىز.
ءورتتى ءسوندىرۋ جۇمىستارىن ۇيلەستىرۋ ءۇشىن وقيعا ورنىندا جەدەل شتاب قۇرىلدى. زارداپ شەككەندەر تۋرالى اقپارات تۇسكەن جوق.
قۇتقارۋشىلار ءورتتى تولىقتاي ءسوندىرۋ جۇمىستارىن جالعاستىرىپ جاتىر.
ۇقساس جاڭالىقتار
