فوتو: flickr/whitehouse
اقش پرەزيدەنتى دونالد ترامپ بىرىككەن ۇلتتار ۇيىمى باس اسسامبلەياسىندا ءسوز سويلەپ تۇرعان ساتتە كورەرمەن اراسىنان جۇبايى، اقش-تىڭ ءبىرىنشى حانىمى مەلانيا ترامپتى ىزدەپ، ونىڭ قايدا وتىرعانىن سۇرادى، دەپ حابارلايدى “ادىرنا”.
ء«بىزدىڭ ءبىرىنشى حانىم قايدا؟ ول ءدال وسى جەردە. ءبىرىنشى حانىمدى كورمەي تۇرعانىما سەنە الاسىزدار ما؟» – دەدى اقش پرەزيدەنتى.
وسىدان كەيىن اقش دەلەگاتسياسى قاتارىندا وتىرعان مەلانيا ترامپ كۇلىمسىرەپ، كۇيەۋىنىڭ نازارىن اۋدارۋ ءۇشىن قولىن كوتەردى.
دونالد ترامپ ءسوزىن جالعاستىرا وتىرىپ، مەلانيا ترامپتىڭ قوعامدىق قىزمەتىنە دە توقتالدى. ول جۇبايىنىڭ بۇۇ اياسىنداعى باستامالارى مەن اتقارعان جۇمىستارىنا جوعارى باعا بەردى.
پرەزيدەنت سونداي-اق مەلانيا ترامپتىڭ بۇۇ قاۋىپسىزدىك كەڭەسىنىڭ وتىرىستارىنىڭ بىرىنە توراعالىق ەتكەنىن اتاپ ءوتتى.
ەسكە سالساق، ەكس-دەپۋتات ارداق نازاروۆ ءماجىلىستىڭ رەسمي وتىرىسىندا اناسىن تۋعان كۇنىمەن قۇتتىقتاعان بولاتىن.
جالپى وتىرىس كەزىندە دەپۋتات ساۋال جولداماس بۇرىن اناسىنىڭ 70 جاس مەرەيتويىمەن قۇتتىقتاعىسى كەلەتىنىن ايتقان ەدى.
